Ndawi 50:14 - Ala Wone Peenok Peebi Mbanak

¹⁴ Wa! yo'nogo logonet nake warogo wo'nugwi, An yogop eeke logogin o, yinuk, Kumbuk mbanogo an Mondok Tiyanak Minggirak yo'nogo monggotak nogo, A'me lik togon eekwi, Ti mban eeko logonip o.

Ndawi 50:14 ပူးပေါင်းရင်းမြစ်များ

Ayup 22:27

Tamban eeke keenok, Ala aruk konengge, Yogop eerigin o, yinuk, wone kumbuk mbanemenggendak nogo, A'me aret eeke logonok nduk eeppagage,

Ndawi 147:1

At Aliku ALA tiyappogo logowok o. Ndawi wako logonet, ninogoba Ala tiyappogo logorak ti, Abu obeelom aret o. At tiyappugwi paga ale'nggen ee'ninake me, At tiyappogo logorak ti op lombok aret o.

Ndawi 22:25

Kat Ala eeke paga kapuri nggwok kuwak eerak inenggela'me nen kendage alut eeke, “An yogop eeke logogin o,” yinuk, Wone kumbuk mbaneegirak nogo, Inagabiti kombakwi inenggaanom paga ndak-ndak eeke, Eerigin o.

Ndawi 22:26

Aap ineenggi lek nogo inambi ndonggorogon nunggwi, It Kaliku ALA mukkeren nogo menggaarak nogo It aap ti mendek mondok-mondok aret logogun me, kalut eekwi, Eeko logogun o.

Ndawi 27:6

Ti eerogo panege keenok, Nawim wangge'nabemenggaarak nogo, Nabu'me iigak nuut pilak ari, Kawi wurik me kake warogo wokkege logonet, Nale'nggen nen kuum-keek ari, Karuk konenenok nduk, ndawi wake, Ndawi paga kanep tenok-mbenok ari, Eerigin o.

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Ndawi 56:12

Ala wae. Kenegen keegak aakumi ineenik wonogo menggam an eerit nage logokit nduk, Noorukwak nagap ndarogo panege, Niyogobit mbannege kero pi'nake, Eeke keenok, “Ndogop wokkirigin o,” yinuk, Kumbuk mbaneegirak nogo muk eekendak me, Kumbuk mbaneegirak nogo ndak-ndak aruwak nduk, “Wa,” yokkege logonet, kake warogo wokkirigin o.

Ndawi 61:8

Ti eeke keenok, Kendage tiyappagage logonet, ndawi wake, Eeke logorak wone kumbuk mbaneegirak nogo Ko'lu-kii'me a'me nggelok aret eerit nage, Mondok-mondok eeke logogin o.

Ndawi 65:1

Ala wae. Nit o Tiyon kat kalut eeri nogwe, Ndi, eeko logorak kumbuk mbaneegurak nogo, A'me lik togon eekwi, Eeruwok nduk, koonggwi yi, Kat kake aret me, op aret koonggo o.

Ndawi 69:32

It aap tebenak wonogwe nogo nen inoone yokkugwi iinok, Kaliku ALA konengge, Kapuri keele maarak kat mbo piigeelik inabuwa mbake, Eeke menggendak me, It aap tebenak menggaarak nen An andi logonet, kendage tiyappege, Kogo logomenggaarik inale'nggen aret mbakwi, It aap kat mukkeren nogo menggaarak abok aret inale'nggen logonet eerit nugwi, Eeko logogun o.

Ndawi 76:11

“An yogop eeke logokit o,” yinuk, Aliku kinogoba Ala endage kumbunuk, Kumbuk mbanumonggotak nogo ndak-ndak aret eekwi, It aakumi kinaagan-ambokan koorok wonogwe nogo, Abok aret at ayuk wukwi ake pugu nogo wogori wogwe, Eeko logowak o.

Ndawi 76:12

At Aliku ALA nen It aakumi inoweewi nagawan-nagawan nogo inendage lek eerogo piige, Aap inendagembogut o nggween paga wonogwe yi, Inamineeri ne agan nawak nduk eeppiige, Eeke menggerak o.

Oteya 14:2

Kit Iterali mendek yi wae. Kit maluk lombok eeko monggotak ti paga nggelenogo pateegutak me, Kinomaluk mbo punuk kiniyokan yungguninuk kinogoba Aliku Ala owagam wa'nip o.

Nakum 1:15

Aap wone yonggo wonok puut-puut paga iyok pit wage logonet, “Kinagabiti lek kiniki ugun tayenak logonip o,” yinuk, agan wage ti, kinigen pekkaanip o. It aakumi kinom ogoorak nogo mondok lek eerogo piyaawak nduk, eeppiyaagin me, Ambinom tebenogo pinagawak nduk, woraagun lek o. Togop me, kit Yekura mendek yi wae. Laago lako logorak yugu nogo kinale'nggen paga lakwi, An yogop eeke logogin o, yinuk, kumbuk mbanggwi nogo ndak-ndak eekwi, Eeko logonip o.

Nakum 2:1

Kat o Niniwe yi wae. Kat maluk eerogo pagawok nduk muk wogwe yi aret me, Pak wurik me tum wake, Tu unggwi wogo menggam kenegen liirogon wonage, Keegin-komaale mondok li'luk eeppunuk wonage, Komaawi eeppatinuk wonage, Eeke logot o.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Pelaareegerak 23:21

Kinamendek at Aliku kinogoba Ala wogoriyak wone kumbuk mbanogo pogo logomonggotik, mbet-mbet aret wogoga'lek, Peebi wogorikit, mbarit ya pegak nda pegak eerit nogwe ti, wogoga'lek kiinok, at Aliku ALA nen, Wone kumbuk mbanogo pogotak nogo an wo'nega'lek me, Maluk aret eekotak o, yinuk, yokkirookwak, wone kumbuk mbanogo pomonggotak nogo mbet-mbet aret wogogo logomunggup o.

Pelaareegerak 23:22

Ndi, Ndogop wogorikit o, yinuk, kumbuk mbanogo pega'lek kenok perak, ti maluk lek aret kwe,

Pelaareegerak 23:23

An ndogop eerikit o, yinuk, kiniki mba'nuk, kinoone paga kumbuk mbanogo at Aliku kinogoba Ala yorumonggotak kenok perak, kinoone paga lombok yumonggotak me, mbet-mbet aret wogogo logonu o.

Pelaareegerak 23:24

Ne ambi paga kinoreeluk ambi ageyo anggur yarak me nogo logonet, anggur anggen noorak eekkinake kenok, ndonggorogon mbanogo nenet noorak op aret kwe, anggen mbanogo kinayuma yonggokko'nok noorak perak, mage o.

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.

Iberani 13:15

Togop me, eyoonggen abe yi'nage menggi kwak, “Yetut ninowe aret o,” yinuk, Keritut ninake eereegerak paga Ala ake warogo wogogwi negen, nit kulinik-kalinik ninoone paga Ala alut eeko logonet, endage tiyappegak mban eeko logowok o.

1 Peterut 2:5

Ala nen ari logonet, “An nen yugum onggo nggwok omaawi yangguk yuurak lek mendek o Tiyon paga ndoonogo piminggirak me, Aap ambi yugum ti paga iniki oba panggombege kenok, enggali arigin lek o,” yinuk, yereegerak liiru mbanak wonage me, it aap Ala unde nen Ala awi wurik me Ala ake warogo pogo mengga kwak, kit togop aret Ala unde at ake leenak logonet, Yetut Keritut eereegerak paga Ala inikilom mbake menggerak mendek aakumi inake eeko logobagip nduk, yugum obaga lu'luk eerogo o wuko mengga kwak, Ala nen kit kineebe paga at awi wukkolage agaarik o.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.