Ndawi 50:11 - Ala Wone Peenok Peebi Mbanak

¹¹ Towe eyonggaame menggaarak abok aret iige, Karume nugu menggaarak kunduk neenggime wonogwe, Eeke minggirak o.

Ndawi 50:11 ပူးပေါင်းရင်းမြစ်များ

Ayup 38:41

Towe ya'ngge-ya'ngge oo'nu nogo, Mbi abu nen inoone nggwok paga an Ala yo'nugwi, Inambi nengga'lek me, nabuk-kabuk nogwe, Eekwi iinok, Ta nen it noorak mendek wogorage menggerak mbaken?

Ndawi 104:12

Towe wiganinuk nugu menggaarak nen Niyo nogo aa'nggi paga inawi wuppunuk wonogwe, Eyoongga enggela'me logonet inoone yogwe, Eeko menggaarak o.

Ndawi 147:9

Aap inaanggumi inambi noorak wogorage, Towe ya'ngge-ya'ngge inaagalogwe yirak-nggirak yogwe iinok, inambi wogorage, Eeke menggerak o.

Yetaya 56:9

Kit ndiimbu-nggwiya karume monggotak abok aret yi wae. Wa'nip o! Kit ndiimbu-nggwiya eyonggaame wonogwe yi wae. Na woraanip o!

Matiyut 6:26

Towe mbogut paga nugu menggaarak ti, pegiyaanip o. It nen awi yakkologwe, ndi, anggen mbanogo wolombakwi, eekulik kwe, kit kinogoba mbogut paga mendek nen aret inambi wogorage menggerak kit kineenggo'lek me, yogo ogotik? Towe ti, iniki kundugu lek negen kagak, wogorage menggerak kwe, kit perak, iniki kundugu lombok logonet, wokkiraagin lek nduk yogo ogotik?

Lukat 12:24

Towe ya'ngge-ya'ngge eeko menggaarak nogo liippinip o. Awi yakkologwe, anggen mbanggologwe, ti eekulik o. Ndi, anggen mbanogo pi unggwogo menggam o kunduk, lek mban kwe, at Ala nen inambi wogorage menggerak. Towe ti, at iniki kundugu mbuuluk negen kagak, Ala nen inambi wogorage menggerak kwe, kit perak, at iniki kundugu lombok me, wokkiraagin lek mbako ogotik? Wokkiraagin aret o.