Ndawi 5:9 - Ala Wone Peenok Peebi Mbanak

⁹ It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 5:9 ပူးပေါင်းရင်းမြစ်များ

Etara 8:21

Wogo mbareegwa, niyo Akawa mbininik aa'nggi paga time logonet, ninogoba Ala enggaanom paga niniki tebeppatinuk, nit inom, ninapuri inom, ninamindik-ninamendek inom, abok aret at Ala nen, Tu obeelom ndegenniren woraawak nduk, mbi nengga'lek ninambe mage negen logonet, Ala nggino yoruwok o, yinuk, yoragagirak.

Ndawi 27:11

Togop me, Kaliku ALA wae. It tebenogo paniyak eekwi ineebe ambik wonogwe me, Tu kat eerit nage nogo titi'nege, Tu koonak paga pi'neren nage, Eeru o.

Ndawi 51:6

Aap iniki ambit mban wonogwe iinok, Kat kinikilom mbake menggendak me, Niniki warak lombok logokit nduk, Liirogon mamunnege logot o.

Ndawi 52:2

Kat aap pilit pugungga yi wae! Kamili nogo ti, Aap inamboro mbangga engget ambik kwak logonet, Aakumi maluk eeppiyoorak wone mban mbanit nege,

Ndawi 62:4

“At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Ndawi 62:9

Inendage lek ndarak inoba panggonak wonogwe ti, We aanom warogo aret kagak eekwi, “Aap inendage warak ndarak inoba panggombinip o,” Yinuk, yogwe nogo ti, Abe ariyak lek pilit kagak panggombuurak yogwe, Eeko menggaarak me, “Op inoba panggombuurak ngge o?” yinuk, wakkaanuk, Aap inambe aagi ne ambit wungge menggi kwak, Imbirak ndak-ndak wonogwe iyaamunggup o.

Ndawi 64:6

Iniki ambit eeppunuk, Aap wi-wi aganaburak koonogo pogo logonet kwe, “Nit wone mondok iya abe lombok eeppiyoorak koonogo pogoorak o,” yinuk, yogwe, Eeko menggaarak. Aap iniki mbakwi inom, inikime lubuk koonogo pugwi inom, Ti mondok iya lombok koonggo menggaarak me, Wi!

Ndawi 69:19

An nendage maluk eerogo pugwi, Miyuk-meya eerogo panugwi, nenggali wappanugwi, Eeko menggaarak nogo liippiige, Nawim nen ee'nabit nugwi nogo kenegen iige, Eeke menggendak o.

Kini Wuppiige 29:5

Aap ambi nen ore iniki laakot ombake logonet, oone paga mban yoge ti, at iyok aret nggelok yuwak nduk keele kwak eerogo pake menggerak.

Yetaya 26:7

It aap iniki abe koonak nogo tu mot-mot mban nogo menggaarak me, Kat kiniki abe koonak yi wae. It aakumi iniki abe koonak nogo logorak inaru tiyak-tebek kenok ndenenogo pit nage menggendak o.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Mika 6:12

It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me,

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Lukat 11:44

It aakumi kanggaatak inowak paga mbaka'lek iniyok ugun aan lebenogo pit nogo mengga kwak, kit aret me, kinabuwa!”

Oroma 3:13

Inale'lok ti, aakumi nggween taanak ambe paga ari menggi kwak wonogwe, Ndi, inoone ti, pilit mban pugunit nugwi, Waalo muuru eyak inooketak kanggo mengga kwak wone agan nugwi,

1 Tetalonika 2:5

Niniki laakot logonet, ninoone yokkirogo logolik ti, kineenu aret o. Kit kinageerok ambi kolaawok nduk, ninoone, “Ai-ao,” yogwe ti, at Ala eenu me, yuulik mban.