Ndawi 5:7 - Ala Wone Peenok Peebi Mbanak

⁷ Togop aret kwe, an perak, Nabuwa lombok nomba'nuk eeppanit wundi wage me, An nen kat kame unggwi nage, Kawi wurik alik leenak me nena na'na'nuk, Kayuk wuke logonet, nendobanggun yindumbunuk kalut eeke, Eerigin o.

Ndawi 5:7 ပူးပေါင်းရင်းမြစ်များ

1 Endagembogut 8:35

Ndi, kat kapuri Iterali yi, maluk eeppagamenggaarak paga aaninggin inoba piige logonet, o mayu wage kero, mbogut narogo pege keenok, o wurik me yime ina na'nari wa'nuk, Kendage maluk eerogo pagago o, yinuk, inomaluk paganogo mbo pugwi iinok,

1 Endagembogut 8:38

aap ambit-ambi nen ilik, it kat kapuri Iterali yi abok aret nen a, it inalitak lombok maluk eeremenggaarak nogo paga iniki andi negen logonet, ineenggi kawi wurik me yime pa'nggwe nappi woraanuk, tamban eekwi, nggino yokkugwi, eekwi iinok,

Ndawi 101:7

It aap wi-wi aganaka nogo an name wonogwe, It pilit pugungga nogo kunduk, an nowagam wonogwe, Eerugun lek aret o.

Ndawi 130:4

Kat nen ninomaluk lek eerogo mbo pege menggendak me, Kat paga ninagabiti kombako monggoorak o.

Ndawi 132:7

Togop me, nit nen yogo logonet, “Nit at wonage menggim nogome nogwe, At abu'me tebe yi unggunuk, alut eekwi, Eeri nawok o,” Yinuk, yogo nogogurik,

Ndawi 138:2

Kat aakumi inabuwa nen kiniki kunik eeginake, Liirogon eeppiinet nage, Yi mendek ndi mendek tebenak iigak, kat kendage inom, Kat eeriyak koonogo pereegindak wone inom, abu tiyappege, Eereegindak me, Kawi wurik alik leenak me nena na'na'nuk, Kendage tiyappagage logogin o.

Ndawi 28:2

“Yeenggwa niru o,” yinuk, noone nggwok yokkege, Mage Lombok Menggim pa'nggwe neenggi nappege, “Nabuwa mbaru o,” yinuk, tamban eeke, Eeke neegak, Karuk konengge logot o.

Ndawi 34:17

It aap iniki abe koonak nogo nen inoone nggwok paga at yogwi iinok, Aliku ALA nen aruk konengge, Aaninggin inoba wonage nogo teeluk eerogo piige, Eeke menggerak o.

Ndawi 51:1

Nogoba Ala wae. Aakumi inabuwa lombok mbarit wundi wage menggendak ndak-ndak an nabuwa mbake, Aakumi kiniki kunik aganake menggendak me, Wone yugu taganogo punuk maluk eekirak yi, Lek eerogo panege,

Ndawi 52:8

Togop yugun kwe, an perak, Eyo tayitun mili kwit agan lagangge menggi kwak Ala awi wurik me logonet, togop aret agarik o. Ala iniki kunik ee'nabit wundi wage menggerak nogo paga Niniki mondok-mondok panggonak aret logogin o.

Ndawi 55:16

Togop eerugun kwe, an perak, “Yeenggwa niru o,” yinuk, Ala yoge neenok, Aliku ALA nen nagap ndake,

Ndawi 69:13

Togop aret kwe, Kaliku ALA wae. Ndi eyom paga at oone konembunuk obeelom eeppigin, Nombareegindak nogo a'me lik ari kenok, Eeppanenok nduk, tamban mban eeke agarik o. Ala wae. It aakumi inabuwa lombok mbake, Ndi, yoraga'ndak liirogon eeppiinet nage, Eeke menggendak me, Noone yokkege yi, konembunuk, nagap ndaru o.

Ndawi 69:16

Kaliku ALA wae. Aakumi kiniki kunik lombok aganake logonet, Obeelom eeppiinet wundi wage menggendak me, Noone yokkege nogo karuk konembunuk onggo yo'nege, Nabuwa nen kena koonogo pe'neege, Eeru o.

Kini Wuppiige 6:16

Wone alom aa'nduk nen nok, 6 paga Aliku ALA nen eebi mbake, Alom iyaalok nen nok, tujuh paga at ogole lombok mbake, Eeke menggerak nogo yi o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetaya 64:11

Kat kawi wurogo pereegwaarak ninombomini nen kendage tiyappogo nogogwam abu obeelom alik leenak kenok, Wi! yogwe nogo, Kani pegaarak paga pup eerogo nengge, Ninamendek niniki kunik lombok nogo, abok aret yigirik-noonom age, Eekerak o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Iberani 4:16

yogondak aaninggin ambi ninoba age kenok, ninabuwa mbake logonet, iniki kunik en eeppinanege kaawok nduk, ninagabiti mbaka'lek at Ala iniki kunik en eeppinanege menggim nogome panggo yi ungguwok o.

Yotuwa 24:15

Ndi, kit nen at Aliku ALA mban mugurok noorak ti, kineebi mbakwi kenok, kinombomini nen niyo Eparat enebagan logonet, Aliku ALA mugurok nogwe obaane'me it kugi eeko nogogwaarak nogo, mugurok nogo logorak a, it aap Amori mendek inanggween paga kit wonogo logonet, Aliku ALA mugurok nogwe obaane'me inagugi mugurok nogo logorak a, nogo ti, o yogondak yi paga aret kit mban miikkolaanip o. An, nakwe, napurilogwe ninom perak, at Aliku ALA mban aret mugurok nogo logogun o,” yinuk, yoragagerak.