Ndawi 5:2 - Ala Wone Peenok Peebi Mbanak

² An tamban eeke logonet, Nowe kendagembogut nogoba Ala nggino yokkege me, Yeenggwa nirenok nduk, noone nggwok yokkege yi, Karuk konenu o.

Ndawi 5:2 ပူးပေါင်းရင်းမြစ်များ

1 Endagembogut 8:28

Togop aret kwe, Kaliku nogoba Ala wae. An kayeloman nen nggino yokkege logonet, tamban eeke yi, kena koonogo pe'neege, o yogondak kenggaanom paga an kayeloman nabuwa nggo-nggo logonet yokkege yi, karuk konengge, eeru o.

Ndawi 10:16

Kat Kaliku ALA Mondok-mondok kendagembogut aret menggendak me, Yi aakumi ndi aakumi kanggween paga wonogwe nogo Lek eerogo piyaamunggun o.

Ndawi 145:1

Kendagembogut nogoba Ala yi wae. An nen kat tiyappagage, Kendage mondok-mondok tiyappagit nage,

Ndawi 3:4

Niniki puru ari logonet, Noone nggwok paga Kaliku ALA yokkege neenok, Kabuut leenak menggim paga nen Onggo yo'nege menggendak o.

Ndawi 44:4

Kat nogoba Ala kendagembogut aret o. Yakup ombowologwe ineegin tiyak yuwak nduk, Wone lengganogo yorage nagagindak o.

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Ndawi 74:12

Togop aret kwe, Ala wae. O aa'nduk nen nowe kendagembogut kat aret wonage, O nggween paga yime kat nen aret ninagap ndake,

Ndawi 84:3

Nowe kendagembogut Komaawi Lombok Menggendak Kaliku nogoba Ala wae. Towe yiluwe nen, “An yime aret logokit o,” yinuk, Kawi wurik me awi mbambunuk wonage, Ndi, kake warogo wokkogo menggam eraanu towe wuni'nuk inaagalogwe ndarogo piyoorak awi mbambunuk wonage, Eekwi iinok, An kunduk togop aret logokit lak, “Ao,” mbake agarik o.

Yetaya 33:22

At Aliku ALA ti, ninowak loongga, Aliku ALA ti, eeko logorak wone lengganogo yo'niraga, Aliku ALA ti, ninowe endagembogut aga, Aret me, ninagap ndarigin nogo ti, at aret o.

Leendawi 3:56

“Yeenggwa niru o, yinuk, noone nggwok paga yokkege yi, karuk nappatinuk logorak mage o,” yinuk, yokkege, eeke mbareegi, An nggino yokkereegirak nogo karuk konengge,