Ndawi 49:5 - Ala Wone Peenok Peebi Mbanak

^5-6 An maluk eeppaniyak eyom ari wage kenok, It aap maluk eeka nen ineenggi warak paga iniki panggombugwi, “Nineenggi warak me,” yinuk, wogoppatit nugwi, Eekwi nogo nen Inoone yanggok-yanggok agan wangge'nakwi iinok, An nonggop togon nagabiti mbariyak? Lek aret o.

Ndawi 49:5 ပူးပေါင်းရင်းမြစ်များ

Wakkagagerak 49:17

Kat nogo ti, Kuda aakumi amborowak paga kwi'na'nuk wogwe me, Waalo muuru tu ambet me nen Kuda iyok eyak nggarunggage kenok, Puruk ari logonet, Aakumi amborowak paga kwi'ndak nogo Nggininik-paninik eerogo ambo'me wuppiige menggi kwak, Aret logomunggun o.

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Ndawi 23:4

An tu nggelo'me o apit paga nage neegak, Kat nimbirak nage me, “Maluk noba ariminggi ilik?” yinuk, Nagabiti mbakak nagin lek o. Kowaanggun inom, kandomba wogoninaka ya'nggage inom, Ti paga niniki eyak wappanege menggendak o.

Ndawi 38:4

“Maluk nonggop eeki?” yinuk, Koonit unggwage paga niniki ndugu agan wangge, Yi mendek ndi mendek aaninggin me, Piyakkoorak meek kogwe nogo kwak ee'nake,

Ndawi 78:2

An nen wone eegu laarak wone yokkirage, O maan aa'nduk nen eerit wogogwaarak alom wone mamunggirage,

Kini Wuppiige 24:10

Aaninggin koba age paga kiniki yungguppegak eeke keenok, komaawi mbuuluk mban wonage keyaagun o.

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Oteya 7:2

It maluk eerit nugwi abok aret an aberak minggirak nogo it liippanega'lek aret wonogo agaarik o. Inomaluk nogo nen wanggeppiinok wonage, It maluk eekwi ti, an aberak mban wonage, Eeke agaarik,” yegerak o.

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Linggineegwaarak 23:7

Iya wage nagagerik, at Mbileyam nen ore warak negen peebi eeriyak wone nogo yoge logonet, “An puut nggelok-nggobok oonegen lagi wage menggim o Aram pa'nggwe time wonage me, Aap Mowap mendek inowe endagembogut Mbalak nogo nen, An woraawak nduk nayonggo pege logonet, Yakup pulunogo pege, it Iterali yi, pulunogo piige, Eeri mok o! Yo'negerak kwe,

Nappiigak 27:24

Pawulut wae. Kagabiti yugun o. Kat Kayitat owagam aret mi'narumunggun me, Ala kabuwa nen kinom yiiro paga wonogwe yi, kat paga abok inagap ndarigin o, yinuk, yo'negerak me,

Pilipi 1:28

It kinom ogoorak wonogwe nogo ineebe paga kinagabiti mbarugup o. Kinagabiti mbaka'lek nugwi ti paga, it kinom ogoorak wonogwe nogo nen, “Ia! It abet aret yogwe me, nit perak, lek eerogo pinaniyak kagi,” yinuk, yugun o. Ndi, kit perak, Ala nen abet aret kinagap ndakkinabeegerak kineenu arumunggup o.

1 Tamuwen 26:20

Togop aret me, aap ambi towe wonde wariyak nduk, eyonggaame puurom kwaarit nege menggi kwak, an nggeewo abi kwak neegak, kat aakumi Iterali inowe kendagembogut nen aret nooriyak nduk, kwaa'nabit nege me, namiya nggween paga nda wambuurak lek o. Ata, Aliku ALA awooliya wurik me enggaanom paga aret wambuwak o,” yinuk, yoreegerak.