Ndawi 49:15 - Ala Wone Peenok Peebi Mbanak

¹⁵ Togop eerugun kwe, Kambunuk nogo menggam nen wo'neren pani nookwak, Ala nen wondet eerogo paninuk, Ndinneren at owagam pani nagin o.

Ndawi 49:15 ပူးပေါင်းရင်းမြစ်များ

Wakkagagerak 5:24

Ala imbirak mondok kunik logonet, eerit nage mbareegi, Ala nen eenik kagak wonok laganeegerak me, eebe lek aret kogogwaarak.

Ndawi 31:5

Kaliku ALA yaga'ndak nogo Ndak-ndak aret eeke menggendak me, Kat nen aret wondet eerogo panenok nduk, Niniki kat unde logonok nduk, wokkigi o.

Ndawi 73:24

Tu abe paga naakit nduk, naruk wake, Eeke logomenggendik, Kat tiyanak menggenom nimbirak logokit nduk, wo'nabumunggun.

Ndawi 89:48

Aap ta nen kanggeelik eenik mban wonage, Ndi, aap ta nen aakumi kambunuk nogo menggam nen agap ndakkolage, Eeriyak mbakop? Lek aret o!

Oteya 13:14

Aakumi kambunuk nogo menggam omaawi pippiinok wonage me nen inagap ndarogo wumbiige, Ndi, it kanggwi iyo, an nen inili eerogo piige, Eeriyak ya? It aakumi ti, an nen inabuwa mba'nuk ambinom pegiyaagin me, Kanggo menggam ti nen kugilingga inoba nappi wage, Aakumi kambunuk nogo menggam ti nen aakumi ineebe inoorogo piyoorak omaawi nappi wage, Eeruwak o.

Lukat 23:46

Nggoguk ari mbareegi, at Yetut oone nggwok paga ari logonet, “Nogoba o. Niniki kat unde logonok nduk, wokkigi o,” yinuk, iniki woronggolage nagagerik, kambeegerak.

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Nappiigak 7:59

yugum paga toguurit-tagaarit warit unggwogwe iigak, at Tepanut nogo nen, “Nogoba Yetut wae, an niniki wamen o,”

Wayu 14:13

Ti yo'nege mbaki, ti'nuk, mbogut paga nen wone ambinom yo'nege kage logonet, “Yogondak nen it aap ninowe inom kunik logonet kanggwi nogo, iniki ale'nggen aret mbako logogun o, yinuk, liiru mbanu o,” yo'nege mbaki, liiru mbangge me, Aberiniki nen, “Abet aret o. It kanggwi iinok, ineenik logonet, ta'liila eeginake kagak yabu eerit nugu nagaarak nogo, Ala nen kobak eerogo pigin lek me, iniki ale'nggen mbako logonet, tat yonggonggologo logogun o,” yinuk, ari naruk konenggirak.

Wayu 5:9

ndawi ngget mendek wako logonet, “It aakumi inanebunu alitak lombok inom, inoone alitak lombok inom, inagabolo alitak lombok inom, yi aakumi ndi aakumi abok aret wonogwe kwe, Inenggela'me nen ambitak nggiginogo Ala apuri aruwak nduk, kat kooko mbareegwa, kamiya paga inonggo mbaneegindak ti paga mbuku pirik-perek aago keele 7 maarak nogo, kat nen waganogo piiniyak op aret o. It kat kamiya paga inonggo mbaneegindak nogo, ninogoba Ala abu'me piinok, Ala unde logonet, ake eeko logowak nduk leenogo mippiyareegindak me, Inendagembogut logonet, aakumi nggween paga ogu time wonogwe nogo wone lengganogo yorogo logogun o,” yinuk, at yogwi naruk konenggirak. Konengge nagarik, it inoweewi ineebe 24 nogo nen nggitat inom, togolowak mbuti emas paga ogobakkigirik obari abe kaga toolak nogo inom, inalitak lombok porogo logonet, ndawi paga yogwi iigirak o. Obari abe kaga togolowak mbuti emas paga toolak nogo ti, it Ala apuri ake leenak tamban eeko nogogwaarak inoone toolak negen aret kagarak.