Ndawi 49:14 - Ala Wone Peenok Peebi Mbanak

¹⁴ It aap ti, ndomba kanggo mengga kwak, Kambunuk nogo menggam noorak koonak wonage, Kambunuk nogo menggam nen ndomba ndegeninaka kwak, Wogoren nok nggween taambiyawam piya nage, Eerigin kwe, O kubondendok age kenok perak, Aap iniki koonak nogo nen Wone lengganogo yorogo logogun o. Inawi abe kigirikwe wurogo pemenggaarak nogo O nda wonage kagak inagabolo nogo ti, Nggween taambiyawam time aret pili arigin o.

Ndawi 49:14 ပူးပေါင်းရင်းမြစ်များ

Ayup 21:13

Yi mendek ndi mendek abe mban nunggwi iigak, it nda'nogogwam kuli aret ari nage, Iniki ugun obeelom wonogo logonet, kambunuk nogo menggam wambi nogwe, Eeko logonet kwe,

Ayup 21:26

Imbirak ndak-ndak aret nggween me taambiigwi, Imbirak aret anggolenggen inoba nugut-tiyak yogwe, Eeko menggaarak.

Ayup 30:23

Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Ayup 4:21

It aakumi nogo yi wone ndi wone liippega'lek iigak, Inawooliya eyak ndenggak ari kenok kanggo menggaarak nogo lek a? Yinuk, ari konenggirak o.

Ndawi 30:5

Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 39:11

Aakumi maluk eekwi iinok mberirage, Iniki koonogo piige, Yininuwo nen yi mendek ndi mendek nenet nage kwak, It inamendek iniki kundugu wonogwe nogo Kat nen lek eerogo pege, Eeke menggendak o. It aakumi ineenik logorak nogo ti, Inambe aagi ne ambit wumbugwi kwak aret wonogwe o.

Ndawi 44:11

Ndomba waruwok nduk wonok nogo mengga kwak, Nineebe ninawim ineenggime piige, Yi aakumi ndi aakumi inenggela'me yumbunogo mbo pinanit nage,

Ndawi 47:3

Yi aakumi ndi aakumi ninabu'me piya wage, Aakumi nggween paga nit ninoone mban konenggo logowak nduk, eerogo piige, Eereegerak o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Yeremiya 12:3

Togop aret kwe, Kaliku ALA wae. Kat an liippanege menggendak o! An eeke minggirak nogo kenegen neege, An kat paga nonggop kombake neyaamun? yinuk, nabut mbangge, Eeke menggendak o. Ndomba inooruwok nduk, wogoren wundi wogo mengga kwak, it aap ti, togop aret nigiren nage, Inooriyak eyom ari wage kenok, inooruwak nduk, leenogo piige, Eeke logot o.

Ndaniyen 7:18

Mi'narugun kwe, it aap at Tiyanak Lombok Menggerak apuri alik leenak mendek nen at abu'me piige menggim wone lengganogo yorogo logowak nduk, unde eeppiyaagin me, unde logonet, mondok aret wone lengganogo yorogo logogun o. Yorogwe iigak, lek arigin lek mondok-mondok aret logogin o, yinuk, yo'negerak.

Ndaniyen 7:22

at Anggok Ageelik Itok Menggerak nogo wage nagaarik, At Tiyanak Lombok Menggerak apuri alik leenak yi, aap abe iigak maluk eeppiige o, yinuk, inagap ndarogo piinok, it wone lengganogo yorogo logorak eyom panggoni wagaarak me, unde eeppiige kagarak nogo kunduk, alom liirogon yo'niruwak nduk yoge, eekirak o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Maleyaki 4:3

An aakumi koonogo piyoorak ne ti eyom paga aap iniyok liirubu aa'ngga eerogo pogo mengga kwak, it nen aakumi maluk eeka nogo iniyok aambiranogo piinet nogo logogun o,” yinuk, at Omaawi Lombok Menggerak Aliku ALA nen aret yegerak o.

Lukat 22:30

kit an nabu'me piige minggim mbi nunggwi, yi nunggwi, ndi, aakumi wone lengganinako menggam logonet, aakumi Iterali inanebunu 12 nogo inowak loonggwi, eeko logobagip nduk, unde eeppinagagi o,” yinuk, yoragagerak.

Oroma 8:36

“Nit kapuri ogogurak paga Kubondendok nen nok oonikiya ari nage kagak, Ninooremengga ilik? mbarit nugu monggoorak. Ndomba wariyak wonok nogo mengga kwak, Togop aret eeppiyaawok, ninombako menggaarak o,” yinuk, liiru mbanak nogo ndak-ndak eeppinanit wogo agaarik o.

1 Korindut 6:2

Nit Ala apuri alik leenak nogo nen it aakumi nggween paga mendek peebi inowak looninaburak nogo kit kobak ogotik? Ndi, peebi inowak looninaburak nit aret unde eeppinaneegerak kagak, yogondak yime logonet, wone mbuuluk age kenok, kooniyak meek me nduk, wonogo ogotik?