Ndawi 49:11 - Ala Wone Peenok Peebi Mbanak

¹¹ It mbako logonet, “Ninombo wologwe nda'narit wundi wogo logonet, Ninendage mondok ki eeko logowok o,” yinuk, Inendage toonak kwak, Inanggween endage ndak-ndak toonogo pemenggaarak kwe, It kanggwi mambiigo menggam ti, iname aret age, It taambiigo menggam ti, inawi alom aret age, Eerigin o.

Ndawi 49:11 ပူးပေါင်းရင်းမြစ်များ

Wakkagagerak 4:17

At Kayin akwe imbirak nogo yege logonet, abila age nagagerik, aagaluk wulaga endage Kenok aret ndareegerak. At Kayin o nogome logonet, tini nggwok ambi nagake nagagerik, o ambik aret wurogo punuk, o nogo aput endage ndak-ndak aret tooneegerak.

2 Tamuwen 18:18

At Abatalom nen, “Nendage ki eeke logorak napuluk lek aret me,” mbake nagagerik, at kangga'lek awo eenik wonage logonet, aap endagembogut menggim kobappaga time abiriwak yugum paga ogobakkigirogo mippake nagagerik, “Yi an Abatalom nabiriwak o,” yinuk, toonogo pateegerak me, it aakumi nen, “Abatalom Abiriwak Pugu o,” yinuk, yogondak kuli yogwe wonogwe aret o.

Ndawi 10:6

It nen yikkologo logonet, “Niniki lek-lek age, aaninggin ambi ninoba age, Eeke logogin mondok lek me, Niniki mondok ale'nggen mban mbako logogun o,” yinuk, yogo menggaarak.

Ndawi 39:7

Togop aret eeko menggaarak kwe, Ala wae. An perak, ta tokkage logogin o? Lek o! Kat paga niniki lunik aret agarik o.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 64:6

Iniki ambit eeppunuk, Aap wi-wi aganaburak koonogo pogo logonet kwe, “Nit wone mondok iya abe lombok eeppiyoorak koonogo pogoorak o,” yinuk, yogwe, Eeko menggaarak. Aap iniki mbakwi inom, inikime lubuk koonogo pugwi inom, Ti mondok iya lombok koonggo menggaarak me, Wi!

Wone Alom Kibingga 2:14

Aap iniki lek wi ti, tu o apit paga nogwe, ndi, aap iniki warak ti, inigen wonage me, tu eya paga nogwe, Eeko menggaarak kwe, Irip paga eeppiyoorak koonak nogo ndak-ndak inoba arigin neenu agagirak o.

Wone Alom Kibingga 2:21

“Niniki wakkolage logonet, aap iniki warak paga, yi wone ndi wone eenu paga, eenggi amburu paga, yabu nggwiirit-nggwaarit eeremenggerak kwe, amendek abok aret mbo punuk nage kagak, aap alik ligak wuundamo eeka'lek logomenggerak nen unde arigin me, ti kunduk, we aanom warogo aret eeke, eeriyak lek mendek kagak eeke, eeriyak kagi,” mbareegirak.

Yetikiyen 38:10

At Aliku Itok Menggerak ALA nen yegerak nogo yi aret. “Eekwi ne ti eyom paga eeriyak inikime koongge logonet, maluk lombok eeriyak koonigin o.

Lukat 11:39

Mbake mbareegi, at ninogoba Yetut nogo nen, “Kit Pariti mendek nen aakumi inamendek yumbu-lambu agago kologwe inom, yi maluk ndi maluk eekwi inom, kinikime apit yagabit aago kagak, kinagiiwak-kinarenggap agabolo endekem mban kooko monggotak.

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

Pelaareegerak 3:14

Manate aput Yayit nogo o Arogop nenaarak kolage logonet, nok aakumi Nggetut mendek inom, Mayaka mendek inom, inanggween ti kuli abok aret kolage nagagerik, at endage toonak ndak-ndak aret o Mbatan nogo ti endage Kawot-Yayit aret toonogo pereegerak me, o yogondak endage ti aret yogwe wonogwe o.

1 Tamuwen 15:12

Ko'lu o kuubondendok at Tamuwen nogo Tawun imbirak lambuniyak nduk, pekka nage mbareegi, aap ambi nen at yoge logonet, “At Tawun nogo o Karemen time at eekerak endage ki logowak nen yugum logonogo patiyak nduk, nage nagaarik, logonogo patinuk, yogondak o Nggilagan nagaarak o,” yoreegerak.