Ndawi 49:1 - Ala Wone Peenok Peebi Mbanak

^1-2 Kit yi aakumi ndi aakumi abok kinaruk konenggwi, Kinendage lek kinendage warak inom, Kineenggi lek kineenggi warak inom, Kit nggween paga wonogwe yi abok liirogon konenggwi, Eeko logonip o.

Ndawi 49:1 ပူးပေါင်းရင်းမြစ်များ

Ndawi 33:8

Aliku ALA oone ari kagak, abok aret age, “Yogop a'nip o,” ari kagak, Abok aret nu'lek arit wage, Eereegerak me, It nggween paga yime wonogwe abok aret At Aliku ALA inagabiti mbakwi, Yi aakumi ndi aakumi yi o ndi o wonogwe nogo Abok aret at ayuk wukwi, Eeko logowak o.

Ndawi 34:11

Kit an napuri yi wae. At Aliku ALA kinagabiti mbako logobagip nduk An mamunggiraagin me, an nowagam wogwe, Kit kinaruk liirogon aret konenggwi, Eeko logonip o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Ndawi 78:1

Kit nowe-nawot yi wae. An wone mamunggiraagin yi, Waabagip nduk, kinaruk konenggwi, Noone yokkiraagin yi, liippugwi, Eeko logonip o.

Yetaya 1:2

Kat mbogut yi wae. Karuk konengge, Kat nggween yi wae. Liippege, eekwi kiigak, Aliku ALA nen yegerak nogo yi o. “Napuri an nen ndegeninake, tawe eeginake, eeke nagagirak kwe, It an noone konembunuk eeriyak ineebi nombako agaarik o.

Yetaya 49:6

“At Yakup paga wiganak inanebunu aa'nduk ninom kunik wonogogwa kwak eerogo piige, It aakumi Iterali ando yumbunik nogo iniyokan wogoret piya wage, Eerenok nduk, Nayeloman eerogo pagage nagarik, unde eeppagagirak nogo ti, yabu mbuuluk kagak unde eeppagagirak me, Aakumi inagap ndarogo piyoorak wone koonogo piyareegirak nogo It aakumi inanebunu lombok o irip-irip wonogwe inenggela'me eya eerogo piige logonok nduk, unde eerogo pagagin o,” yinuk, yo'negerak o.

Yeremiya 25:2

Yoge mbareegi, at Yeremiya nen it aakumi Yekura mendek abok aret inom, o Yerutalem wonogwe abok aret inom, yoragagerak nogo yi aret.

Mika 1:2

At Aliku kinogoba Ala awi alik leenak menggim logonet, “Ndogop eekwi kiigirak o,” yinuk, yokkiraawak nduk, Kit yi aakumi ndi aakumi abok aret yi wae. Kinaruk konenggwi, O nggween inom, o nggween paga wonogwe inom, abok aret yi wae. Kinaruk liirogon konenggwi, Eeko logonip o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Matiyut 11:15

Kinaruk wonage kenok ti, liirogon aret konenggo logonip o.

Matiyut 13:9

Yorage nagagerik, “Kinaruk wonage kenok, liirogon aret konenggo logonip o,” yinuk, yoragagerak.

Oroma 10:18

Togop kwe, it abok obeelom wone awo konengga'lek aret wonogogwaarak kenok, yokkirage mbako ogotik? Lek o. “It inoone nogo o nggween paga yime abok aret wiganinuk, nage, Iname yoragaatak nogo, o irip-irip ndak wa'narit nage, Eereegerak o,” yinuk, liiru mbanak ti paga it abok koneneegwaarak aret kenok yokkiragi o.

Oroma 3:29

At Ala ti, it Yakuri mendek mban inogoba mbakop? It endekem konenggulik mendek inogoba lek me nduk, yogo ogotik? Lek o. At Ala ti, it endekem mendek kunduk inogoba aret o.

Wayu 2:11

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it aaninggin-paaninggin nogo mendek abok aret inoba age kwe, kagak, Ala wone mbo pega'lek mondok inogogumbuk logonet liirogon mugurok nogwe iinok, ne mbere paga kambugun lek o, yinuk, wone yi yagarak nogo abok aret at malayikat Ala apuri o Timirina kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:29

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Tiyatira kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”