Ndawi 48:1 - Ala Wone Peenok Peebi Mbanak

¹ Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 48:1 ပူးပေါင်းရင်းမြစ်များ

Nekemiya 9:5

ti'nuk, it Lewi mendek ando Yetuwa, Karimiyen, Mbani, Katabeneya, Terebiya, Koriya, Tebaniya, Petaya, nen wone yorogo logonet, “At o aa'nduk nen nok, peebi mondok-mondok logorak Aliku kinogoba Ala endage tiyappuwok nduk, mi'nanip o,” yinuk, yorogogwaarak. Yorogogwaarak mi'na'nuk Ala yogo logonet, “At ambi nen at ambi ale'nggen oba pegak eekwi, at mbi nen at ambi endage tiyappegak eekwi, eekwi ti, iya aret kwe, kat perak, it inirimbaga kendage mondok iya tiyanak lombok aret.

Ndawi 145:3

Kaliku ALA nggwok lombok menggendak me, Kalut eeko logorak ti, op aret o. Kendage mondok nggwok lombok wonage ti, Aakumi nen liippuurak meek aret o.

Ndawi 147:5

Ninogoba ti, nggwok lombok logonet, Omaawi mondok iya wonage, Wone ambi eenggo'lek lek abok aret eenu wonage, Eeke menggerak o.

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 30:1

Kaliku ALA wae. It aap ninom wim mbanak nen nooppunuk, “Keyik a! Op wako,” yogwe iyo, nagap ndarogo panege, An abu tebenak wonage me, tiyappanege, Eekendak me, Kat kalut eeke agarik o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 46:4

Niyo ambi elaganggen alitik-alitak wage nen At Tiyanak Lombok Menggerak Ala agota alik leenak menggim wonogwe nogo Iniki ale'nggen eerogo piige menggerak o.

Ndawi 47:8

At Ala wone lengganogo yorage menggim alik leenak nogo paga kwi'ndak logonet, Yi aakumi ndi aakumi wone lengganogo yorage agaarik o.

Ndawi 65:1

Ala wae. Nit o Tiyon kat kalut eeri nogwe, Ndi, eeko logorak kumbuk mbaneegurak nogo, A'me lik togon eekwi, Eeruwok nduk, koonggwi yi, Kat kake aret me, op aret koonggo o.

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Ndawi 87:1

At Ala nen puut abu abe alik leenak nogo paga “Nawi alom ti paga logokit o,” yinuk, O nambit-mbit wurogo patit nage,

Ndawi 87:3

Togop me, Ala Agota yi wae. Kat menggendak mbininggo logonet, “Wi!” yinuk, pi wakkako menggaarak.

Ndawi 96:4

Aliku ALA ti, mondok iya lombok me, At mban tiyappogo logorak ti, op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Ndawi 99:9

Togop aret me, Aliku ninogoba Ala tiyappugwi, At Aliku ALA ti, kikak nakeelik alik leenak me, At abuut abu abe alik leenak nogome ninendobanggun yindumbunuk alut eekwi, Eeko logowok o.

Yetaya 27:13

Ndi, ne ti eyom paga mban oone nggwok eeka trompet nogo oone pu nggwok eeke kenok, it aakumi Iterali mendek o Atiyut kobak ogogwaarak nogo inom, o Metit mbo nappiya nogogwaarak nogo inom, puut alik leenak Tiyon kota Yerutalem nogome kuwak ari wogo logomenggaarik, Aliku ALA alut eeko logogun o.

Yeremiya 31:23

At Omaawi Lombok Menggerak Aliku Iterali inogoba Ala yegerak nogo yi aret. “It an napuri keele maageren piya nogogwam nen iniyokan wogoren piya wage neenok, it aakumi o Yekura wonogwe inom, o Yekura kota-kota menggaarak inom, nen wone aa'nduk yogo nogogwaarak ambinom yogo logorak nogo yi aret. O obeelom eeko menggam yi wae. Puut alik leenak yi wae. Aliku ALA ale'nggen koba pagage logowak o, yinuk, yogo logogun o.

Obaya 1:17

“Togop eerugun kwe, puut Tiyon paga wonogwe nogo perak, inagap ndarak wonogwe, Puut ti, abu leenak wonage, Ndi, it Yakup paga wiganak nen ineyate kwak inanggween nogo unde eeppatinuk wonogwe, Eeko logogun o.

Mika 4:1

O age yobok paga Aliku ALA awi puut paga wurik wonage nogo, Yi puut ndi puut tiyarogon wonogwe ti, tebenak kagak, puut ti mban tiyanak wonage, Puut-puut mbuulogwe teberogon wonage nogo enggela'me puut ti mban tiyak ari, Eerigin o, yinuk, koonogo pigin me, Yi aakumi ndi aakumi puut ti paga niyo nage mban menggi kwak togop aret unggwi wogo logogun o.

Takariya 8:3

At Aliku ALA nen an yo'nege logonet, “An niyokan o Tiyon wage logominggirik, o kota Yerutalem enggela'me time aret logogin o. Time wonage neegak, o Yerutalem endage ti, Kota Liirogon Eeka o, yogwe, ndi, Nomaawi Lombok Minggirak Naliku ALA nabuut nogo endage, Puut Alik Leenak o, yogwe, eeko logogun o,” yinuk, yo'nege,

Matiyut 24:15

Kit liiru mbanak pekkogwe yi, kiniki liippinip o. “At Ala nen yoge kagak yoraga Ndaniyen nogo nen, ari logonet, maluk eerogo puurak mendek ogole warak lombok woraagin o, yinuk, abok yereegerak nogo, Ala ake leenak menggim taati mi'nari wage kinigen kamonggotak ti eyom paga,

Iberani 12:22

Kit yogondak puut alik Tiyon abu'me at eenik menggerak Ala nogo agota Yerutalem mbogut paga nogome aret ka nogogutak negen aret wonogwe o. It yi malayikat ndi malayikat nineenggi lingginiyak meek mondok iya lombok kuwak eerak logonet, inale'nggen paga eekwi ineebe inom,

Wayu 19:5

Yogwi naruk konengge nagarik, wonage me, wone lengganogo yorage menggim nen oone ambi ari logonet, “Kit Ala ayeloman mini nen at ayuk wuko monggotak kinendage warak inom, kinendage lek inom, abok aret ninogoba Ala mban alut eeko logonip o,” yinuk, ari mbaki,

Wayu 21:2

Kage nagarik, kwe ambi ogonggelo kolaakit nduk, amindik-amendek li'luk eekko'nok wage menggi kwak, o kota abu alik leenak Yerutalem ngget ogobakkigirik nogo, Ala wonage me mbogut paga nen wambi wage kagarak.