Ndawi 47:2 - Ala Wone Peenok Peebi Mbanak

² It aakumi nggween paga mendek abok aret Inowe endagembogut abu nggwok Tiyanak Lombok Menggerak Aliku ALA ti, mondok iya me, Aakumi abok aret, “Ia!” yinuk, Inagabolo ne agan nage menggerak o.

Ndawi 47:2 ပူးပေါင်းရင်းမြစ်များ

Nekemiya 1:5

“Kaliku nogoba ALA wae. Mbogut paga menggendak kat Ala aret o. Kat abu nggwok wonage keenok, aakumi kayuk wuko logonet, pi wakkakwi Ala nogo nen, Yogop ee'nu ndogop ee'nu, wone yereegindak eerit nugwi, it iniki kunik eekkakwi, eekwi iinok, kinom wone koonogo pereegindak nogo li'lak aret eeppiige menggendak me,

Ndawi 145:6

Komaawi paga inamineeri ne agan noorak mendek Eereegindak nogo it yorogwe iigak, Kendage nggwok wonage nogo mbininogo yoranet nage, Eeke logogin o.

Ndawi 47:7

Ala ti, it aakumi o nggween paga wonogwe abok aret Inowe endagembogut at aret wonage me, At anep pugu ndawi waruwok o.

Ndawi 65:5

Ninagap ndaka Ala wae. “Yeenggwa niret o,” yinuk, Yokkugwi onggo inagabiti mbariyak mendek eeppiige, A'me nggelok mban eeppiinet nage, Eeke menggendak o. Aakumi nggween irip-irip wonogwe inom, Yi nggwok laut irip pit nagagim wonogwe inom, Abok aret iniki lunik wonogwe kat yi,

Ndawi 68:35

Ala wae. O abu alik leenak menggenom nogome nen kayuk warak lombok wundi wage, Iterali inogoba kat Ala nen kapuri omaawi eeppiige, Inayuk warak logowak nduk eerogo piige, Eeke menggendak me, Ninagabiti nen, “Iya!” kombako ogoorik o. Kendage mondok-mondok tiyappogo logowok o.

Ndawi 76:12

At Aliku ALA nen It aakumi inoweewi nagawan-nagawan nogo inendage lek eerogo piige, Aap inendagembogut o nggween paga wonogwe yi, Inamineeri ne agan nawak nduk eeppiige, Eeke menggerak o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Ndawi 99:3

At kikak nakeelik alik leenak endage mondok nggwok iya lombok me, Yi aakumi ndi aakumi at endage tiyappogo logowak o.

Maleyaki 1:14

“An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Pelaareegerak 28:58

Ndi, kit nen eeko logorak wone yugu mbuku paga liiru mbanak wonage yi apit aret, kiniki liippunuk mugurok nogwe, at Aliku kinogoba Ala endage abu tiyanak aakumi iya mbakwi yi, ayuk wukwi, eeka'lek aret logomunggup kenok,

Pelaareegerak 7:21

At Aliku kinogoba Ala omaawi ambik ayuk warak iya lombok menggerak nogo, kinenggela'me wonage me, it aakumi ti, ineebe paga kinaganak ndik-ndik eeriyak mage o.