Ndawi 46:9 - Ala Wone Peenok Peebi Mbanak

⁹ O nggween irip-irip abok aret Wim nambukwi lek eerogo pege, Ineegin kalenogo piige, Inawooluwak engget tugunogo piige, Wim eeka inanggweendo kani kungge, Eeke menggerak o.

Ndawi 46:9 ပူးပေါင်းရင်းမြစ်များ

Ndawi 66:5

At Ala eerit nagagerak nogo liippi wogwe, Aakumi inenggela'me inagabiti warak mendek eeppiyareegerak nogo maloppugwi, Ee'nip o.

Yetaya 10:23

It aakumi o nggween paga yime wonogwe lek eerogo piyoorak koonogo pugu nogo, At Omaawi Lombok Menggerak Aliku nogoba Ala nen aret eerigin o.

Yetaya 11:9

Niyo laut yenggenak nggween kaga'lek nobarogo pereegi kwak, At Aliku ALA eeke menggerak nogo it nggween paga wonogwe abok aret ineenu arugun me, An nabuut abu alik leenak nogome At ambi nen at ambi maluk eeppegak eekwi, At ambi nen at ambi nibinogo pi nagak eekwi, Eeko logogun lek o.

Yetaya 2:4

At nen aakumi inanebunu lombok inowak loongge, Yi aakumi ndi aakumi abok aret inawone amburu mbangge, Eerigin me, Inobaloowi wim eekak nogo eyo konaaka eerogo pege, Inambuti wooluwak nogo yabu wagangga tegewa eerogo pege, Eerigin o. It aakumi inanebunu ambi mendek nen ambi inom wim nambukwi, Wim namburiyak nduk wakkagak eekwi, Eerugun mondok lek aret o.

Yetaya 60:18

Aap iniki worokot nen aakumi maluk eeppiinet nugu agaarik o, yinuk, at wonage me time nen yogwe, O maluk eerogo pugwi, o yigirik-noonom eerogo pugwi, eekaarak o, yinuk, anggween paga time nen yogwe, Eekwi nogo ambinom konenggo logogun lek o. At nen, Nayugum pak wurik ti, Nagap Ndaka o, ari, Ndi, Narunggambe ti, Nalut Eeka o, ari, Eeke logogin o.

Yetikiyen 39:3

Pi woraminggirak tebenogo piige kenok, eenggi kwaare'nggan wake neenok, eenggi tanep age logonet, eegin ndik togon wangge, eenggi abe'nggan wake neenok, omaale wonage nogo ngginu-ngginu wangge, eerigin o.

Mika 5:10

Inawi kota-kota lek eerogo pege, Ineebe op logowam inobak wurik nogo ndengganogo pege,

Yotuwa 11:6

Inawooliya wukkola wogo mbareegwa, at Aliku ALA nen Yotuwa yoge logonet, “O ko'lu yi eyom paga aret it aakumi ti, an nen waganogo kit wokkirage neenok, ineebe inoorogo piigwi, inaguda iniyok andelen mbanogo piigwi, ndi, inanggweendo ti, kani kunogo piigwi, eerumunggup me, aakumi ti, ineebe paga kinagabiti mbarugup o,” yoreegerak.

Yotuwa 11:9

Inoorit nogo logonet, at Aliku ALA nen Yotuwa yoreegerak nogo ndak-ndak aret kuda nogo iniyok andelen mbanogo piigwi, inanggweendo nogo kani kunogo piigwi, eereegwaarak.

1 Tamuwen 2:4

It aap wakaa'ngget ineegin nogo muk kalenogo piige, Ineebe lebenak ya ngginnagak nugwi nogo perak, inomaawi eerogo piige, Eekendak o.