Ndawi 46:8 - Ala Wone Peenok Peebi Mbanak

⁸ Aliku ALA eeke menggerak liippi wogwe, O nggween paga lek eerogo puurak eeke yi, pekka wogwe, Eeko logonip o.

Ndawi 46:8 ပူးပေါင်းရင်းမြစ်များ

Ndawi 146:5

“Yakup ogoba Ala nen yeenggwa niraawak o,” yogwi, Inogoba Aliku ALA iniki lunik wonogwe, Eeko menggaarak nogo Inale'nggen aret wonogo menggaarak.

Ndawi 66:5

At Ala eerit nagagerak nogo liippi wogwe, Aakumi inenggela'me inagabiti warak mendek eeppiyareegerak nogo maloppugwi, Ee'nip o.

Wundeegwaarak 10:7

Wundi wogwe iigak, aap Pirawun awuri inom wone koongga nogo nen Pirawun yogwi, “Pagi wariyak keele pugu mengga kwak, ne mande paga aap yi nen keele yilunogo pinaninuk logogin o. O Metit yime abu maluk agaarak wonage yi, kenegen kaga'lek agandik ya? At Aliku inogoba Ala nogo alut eeri nawak nduk teppiyet o.”

Wundeegwaarak 12:30

It aakumi Metit mendek nogo iname lombok manggu ndarak ambi ineenik wonogwe lek abok aret kambit nogogwaarak iinok, at Pirawun inom, at awuri inom wone koongga nogo inom, it aakumi o Metit ugun wonogwe inom, abok aret, nogo iniki mbere eeke paga ambugwi aret ineenik arit nogo nogogwaarik, o Metit nogome inoone ya-kwa agan nogo logonet, leenggu maarit nogogwaarak.

Yetaya 24:1

“At Aliku ALA nen nggween yi maluk eerogo pege logonet, mbuk eerogo pege, Aakumi logorak meek eerogo pege, Eerigin abet mbako logonip o. Nggween ena abut laganogo pege logonet, it aakumi o yime menggaarak nogo mappiyaagin.

Yetaya 61:4

O maan togon kota-kota langgu-langgu eerogo pereegwaarak nogo obaane'me wukwi, O maan togon yi oone ndi oone lek wonagagim aa'nduk wonagagi kwak eerogo pugwi, Eerugun me, Kota-kota maluk eerogo pereegwaarak yi oone ndi oone lek kagak inapuri nda'narit wundi wogo nogogwaarak nogo, aa'nduk wonagagi kwak aret arigin o.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yetaya 8:10

Nit ti, Ala ninom aret wonage menggerak me, Kit nen, “Nit yogop eeppiyaawok,” koonumonggotak kwe, lek aret age, “Yogop eeruwok o,” yinuk, wone mbanumonggotak kwe, ee'naga'lek aret wonage, Eeke kaamunggup o.

Linggineegwaarak 14:9

Togop aret me, kit nen at Aliku ALA kineebi-kineeba yogwi, it aakumi time wonogwe nogo paga kinagabiti mbakwi, eerugup o. It inagugi inomaawi wogorogo menggaarak nogo teppiinok mbaganggwi iigak, nit perak, Aliku ALA ninarum wonage kagak, aakumi ti, ninambeme yonggorinabugun me, it ineebe paga kinagabiti mbarugup o,” yinuk, yorogogwaarak.

Linggineegwaarak 23:23

It Yakup ombowologwe magagirak paga inookwi, Kugi pulunogo piigwi, Eeriyak meek kenok, It aakumi alik nen yogo logonet, Ala nen Yakup paga inom, Iterali paga inom, eerubok mendek eeppiige yi kinigen kaanip o.

Pelaareegerak 20:1

Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.