Ndawi 46:5 - Ala Wone Peenok Peebi Mbanak

⁵ At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Ndawi 46:5 ပူးပေါင်းရင်းမြစ်များ

Ndawi 112:6

At aap ti nen eerit nage nogo Mondok nu'lek aret logogin o. Aap iniki abe koonak nogo Mari eerogo pega'lek mondok-mondok oba aberak aret logogin o.

Ndawi 125:1

It aap Aliku ALA oba panggombunuk wonogwe nogo ti, Puut Tiyon nu'lek mondok-mondok menggi kwak Wonogo menggaarak o.

Ndawi 143:8

Ata, an kat koba panggonak minggirak me, Aakumi inabuwa nen kiniki kunik mban eeginake nogo, Ko'lu kubondendok an togop ee'nabi wage keyane! Niniki kat paga lunik wonage me, An eerit noorak tu titik nege,

Ndawi 30:5

Ne ambit mban at anini ninombake menggerak kwe, Ale'nggen nen obeelom eeppinanege ti perak, Eeppinanegak mban eeke kagak Kambi noorak kuli ari nagin o. Oonikiya le mban yogwe iigak O weerikit nduk eeke menggerak kwe, O weege kenok perak, inale'nggen mbako menggaarak.

Ndawi 37:40

It aap nogo ti, Aliku ALA nen Yeenggwaarage logonet wondet eerogo piige, Ineebe op logowok nduk, Aliku ALA abu'me menggaarak me, Aap maluk mendek ineenggime nen ndinogo inagap ndarogo piige, Eeke menggerak o.

Ndawi 62:2

Nayugum nu'lek menggi kwak inom, nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 62:6

Nayugum nu'lek menggi kwak inom, Nagap ndaka inom, pak wurik kwak inom, Ti, Ala mban aret me, Niniki mondok kwi'ndak nu'lek aret agarik o.

Ndawi 68:18

Kaliku nogoba Ala wae. Kat agi tiyarogon lagi nage logonet, It aakumi keele maarogo piirogo wonogwe nogo, Apit aret ndiniren lagi nage mbareegin, Aakumi nen inamendek onggo lek we aret wokkugwi, It aap kat koone ineebi mbaka nogo kunduk, Inamendek wokkugwi, Eereegwaarak me, It ti, kinom aret logomunggun o.

Wundeegwaarak 14:24

kuubondendok towe oone awo ari kagak, at Aliku ALA ndi wuninik ndugwi enggela'me wonage nogo nen ena wu'nage logonet, aap ineegin warak Metit mendek Iterali muguren wogwe enegen iige nagagerik, inaganak waganogo piige,

Wundeegwaarak 14:27

Yoge mbareegi, at Muta nogo nen niyo ogumbaga eenggi titik ege nagagerik, o weege kagak niyo mogonik wonagagerak nogo lambunggage mbareegi, it aakumi Metit mendek nogo mbaganit nawok nduk, eereegwaarak mendek, Aliku ALA nen niyo inikime tebenogo piyareegerak.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetikiyen 43:7

Konengge neegak, at nen an yo'nege logonet, “Aakumi nen ndarak yi wae. An wone lengganogo yorage, niyok punuk wonage, eeke logowam ti, yime aret o. Aakumi Iterali inenggela'me an mondok-mondok logowam yi aret me, it Iterali mendek inom, inoweewi inendagembogut inom, nogo nen kwe ogonggelo mbo punuk, aap alik inom eerit nage menggi kwak, an wonage neegak mbo paninuk alik mugurok nogwe, it inoweewi inendagembogut inabiruwak puut-puut paga yinik nogo inayuk wurit nogwe, eekwi paga nendage abu abe alik leenak maluk eerogo pogo nogogwaarak nogo ambinom eerogo pogo logogun lek o.

Yetikiyen 43:9

Togop aret me, o yogondak yi paga aret, kwe ogonggelo mbo punuk, aap alik inom eerit nage menggi kwak, an wonage neegak alik mugurok nogwe nogo mbo pugwi, inoweewi inendagembogut inabiruwak yinik inayuk wukwi nogo kinogo mbo pugwi, eekwi iinok, an it inenggela'me mondok-mondok aret wonage logogin o,” yinuk, yo'nege kagagirak.

Yetikiyen 47:1

Ti'nuk, aap nogo nen an wo'neren Ala awi wurik me tu unggwogo logowam pani wage kagagirak. Wage kage neegak, Ala awi wurik ena oonegen lagi wage menggim pa'nggwe wonage me, tu unggwogo logowam abu'me time nen niyo nggwok ambi wungge nagagerik, oonegen lagi wage menggim pa'nggwe time nage kagagirak. Niyo nogo ti, Ala awi wurik abu'me o ame paga pa'nggwe nen wundi wage nagagerik, ake warogo kani kunggo logowam o ame pa'nggwe eraanu time nen ena oonegen lagi wage menggim time nage kagagirak.

Oteya 11:9

An nanini kani omoonuk negen mi'nage logonet, it inoba kwippiige, It Eparayim mendek ambinom lek eerogo piige, Eerigin lek o. An aakumi kwak lek o. An Ala kikak nakeelik alik leenak it inenggela'me minggirak me, Nanini nen maluk eerogo piyaakit nduk, woraagin lek o.

Yowen 2:27

Ti eeke neenok, an it Iterali mendek inenggela'me wonage, Ndi, inogoba alik ambi wonage lek inogoba Naliku Ala nalik aret wonage, Eeke nogo ineenu arugun o. It an napuri ti, ambinom inenggali mbakak nugu logogun mondok lek o,” yinuk, yegerak me, yokkiragi o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

Takariya 8:3

At Aliku ALA nen an yo'nege logonet, “An niyokan o Tiyon wage logominggirik, o kota Yerutalem enggela'me time aret logogin o. Time wonage neegak, o Yerutalem endage ti, Kota Liirogon Eeka o, yogwe, ndi, Nomaawi Lombok Minggirak Naliku ALA nabuut nogo endage, Puut Alik Leenak o, yogwe, eeko logogun o,” yinuk, yo'nege,

Lukat 18:8

Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Pelaareegerak 23:14

At Aliku kinogoba Ala unde wokkinake, kinawim tebenogo piinok, kineegin tiyak ari, eeruwak nduk, kinawooliya wurik enggela'me nege menggerak me, nege logonet, obari warak nogo mendek ambi enegen kage kenok, melak togon mbo pinagukwak, kinoore'nggam abu koorak ndigik-ndegek aago aret logowak o,” yoragagerak.

Wayu 2:1

Yo'nege kage nagarik, wonage me, “At malayikat Ala apuri o Epetut kuwak eekwi inarum menggerak nogo nen apuri yoraawak nduk, yoriyak, yokkiri o. Neenggi abe'nggan paga laaluguragan 7 porogo logonet, ndi wuninogo pegak mbuti emas paga ogobakkigirik 7 inenggela'me nege minggirak an nogo nen