Ndawi 45:8 - Ala Wone Peenok Peebi Mbanak

⁸ Kayum yirike menggendak nogo ti, Eyo yibinggami inom, ni inom, nggoo'nggop inom, Nogo paga obari abu abe eerogo pugu wonage, Kawi o nggwok abe wurik nogo ti, Wam kole gajah eyak paga amuni mbanogo pugu wonage, Eerak kagak, Nggitat paga ndawi wakwi iinok, Kiniki ale'nggen mbake menggendak o.

Ndawi 45:8 ပူးပေါင်းရင်းမြစ်များ

1 Endagembogut 22:39

Aap Akap endagembogut a'nuk wone lengganogo yorage logonet, eeke nagagerak inom, awi o nggwok abe wuppunuk, gajah eyak nabenogo pit nagagerak inom, o kota-kota omaawi eerogo pit nagagerak inom, ando abok ti, it Iterali inoweewi inendagembogut eeko nogogwaarak liiru mbanak wonage nogo paga, inom mbanak wonage nogo lek a?

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 150:4

Oone lobale eekwi, kwirabik-kwirabok yogwe, Nggitat inom, nggawiwak inom, Eeko logonet, at endage tiyappugwi,

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 45:15

Inale'nggen nen noone-koone agan Kawi o nggwok abe wurik me Kowagam unggwi wogo agaarik o.

Ndawi Iya 1:13

Nelak aru-ogwe kagak oolo nggami ninikinggup me pugunik obari abe eeka kwak kat niniki kunik yi, togop aret wonage,

Ndawi Iya 1:3

Obari kagabolo paga aago ti, abu aberogon aret o. Kendage ti, obari abe eeka kilirik kwak aret wonage me, Komologwe tawe abok aret iniki kunik eekkako agaarik o.

Ndawi Iya 3:6

Nggami inom, obari eeka aap kunggo menggaarak nen nenggelak-kenggelak eekwi obari abe kaga inom, Oba eerak yugum ka'luk kwit agan lagangge menggi kwak O karume nen eerit wage ti, ta o?

Ndawi Iya 4:6

O wiya kubondendok warit wage logonet, inagalu'mak awo lek eerogo pega'lek kagak, An nen puut eyo nggami ambik wonage menggim lagi nage, Puut obari abe kaga menggim lagi nage, Eerigin o.

Ndawi Iya 5:1

Niriluk o. Noreeluk o. An neyabu me unggwi nage, Namendek obari abe kaga kuwak eeke logonet, nggami inom kuwak eerogo pege, Nanggiin ta'mbanak inom, nanggiin amburu inom, nengge, Nanggur amburu inom, nayilak amburu inom, nengge, Eekirak o. Togop me, niniri-ninore yi wae. Mbi nunggwi, anggur amburu nunggwi, ee'nip o. Amburu ndonggorogon nenok, inale'nggen aganake menggi kwak, niniki-kiniki kunik logonet, kinoba ndonggo yuwak nduk eerit nogo logonip o.

Ndawi Iya 5:13

Agandin ti, obari abe eeka yabume yarak kwak wonage, At ambe ti, waambi anggen laambu kwak logonet, oone nggami amburu puk wanggak eeke kwak ari,

Ndawi Iya 5:5

At niniki kunik nogo ake tu paarogo pikit nduk, neenik a'nuk, Nggami amburu neenggime nen puk wanggak negen eeke, Nggami ogogwe neenggime nen nggalo agan tungga'nggi agale paga negen labuni nage, Eeke kagak,

Amot 3:15

It inawi o togwi eeke kenok, ari unggwagak wurik nogo yinik-minik eerogo pege, Mo andi kenok, ari unggwagak wurik nogo langgunik-panggunik eerogo nggimbege, Inawi wurik me wanggalep inom, meeli inom, ogobakkigirik nabenak nogo yigirogo pege, Inoweewi inendagembogut inawi nggwok abe wurik nogo, yigirik-noonom eerogo pege, Eerigin o,” yinuk, Aliku ALA nen aret yegerak me, yokkiragi o.

Matiyut 2:11

Nogo nogogwaarik, oome unggunuk, elege nogo agalo Mariya imbirak iigo nogogwaarik, ineebe tebe yinuk, elege nogo ayuk wureegwaarak. Ayuk wuko nogogwaarik, inamendek obeelom lombok mbuti emas inom, yibinggami inom, eyo mur amburu inom, kilirogo wogoreegwaarak.

Yaya 14:2

An nogoba ame time aakumi logorak inake ogoorak ambik wonage o. Togop lek logonetak en, kit logowam time an pipuk eerogo pinagakit nduk, nage o, yinuk, yokkiranetak lek o.

Yaya 19:39

Wonok nage me, at Nikoremut aa'nduk oonikiya Yetut owagam nagagerak nogo nen iri'ngga obari abe mendek eyo mur amburu inom, nggo'nggop engga obari pogom nogo inom, nenggelak-kenggelak agago aaninggin 34 negen wonok Yutup imbirak nagagerak.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.