Ndawi 45:1 - Ala Wone Peenok Peebi Mbanak

¹ Ndawi pereegirak aap endagembogut ake tiyaniyak eeke neegak, Wone abe mendek yikit nduk, Niniki nen nggaganogo yo'nege, Aap liiru mbaniyak abu eenu me, Wone abe liiru mbangge menggi kwak, Wone abe mban nambe paga panege, Eeke agaarik o.

Ndawi 45:1 ပူးပေါင်းရင်းမြစ်များ

2 Tamuwen 23:2

Aliku ALA Aberiniki nen an yo'nege, At oone ninikime manabi wage, Iterali inogoba Ala nen oone ari, Iterali inogoba yugum kwak nogo nen an yo'nege, Eereegerak wone nogo yi o. Aap ambit-ambi awuri inarum logonet, Eekaatak li'lak inawone amburu mbangge, Ala ayuk wuke logonet, Wone liirogon lengganogo yorage, Eeke kenok,

Etara 7:6

At Etara nogo eeko logorak wone Iterali inogoba Aliku Ala nen wone yoragagerak Muta liiru mbaneegerak nogo at abok li'lak mamuneegerak me, yi wone ndi wone era'nggup-alom abok aret eenu wonagagerak. At Etara nogo Aliku ogoba Ala eenggi omaawi paga nobapporogo wonagagerak me, woraakit nduk, aap endagembogut nggino yoreegerak nogo at nen abok aret wogoreegerak.

Ayup 33:3

Niniki abe koonak paga nen wone wunake, Niniki abe paga nen an kage nogo kin aret yokkege, Eeke agarik o.

Ayup 34:4

Wone yi, abe ilik? yinuk, ninalitak lombok aret liippugwi, Op yoriyak ngge o? yinuk, nit abok aret koonogo pugwi, Eeruwok o.

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 49:3

Aap iniki warak logonet, Wone ari menggerak mendek an nen ari, Wone yelok koorak mendek ninikime nen, “Yu o,” yinuk, yo'nege kenok ari,

Ndawi 69:1

Ala wae. Niyo neebe paga taannabit nenggaanok kuli ari lagi wage me nagap ndaru o.

Ndawi 80:1

Kat Iterali ndegeninaka. Ninoone yokkugwi yi, karuk liirogon konengge, It Yutup paga wiganak ndomba negen ndegeninaka, Kerub aru-ogwe kagak oolo kwi'ndak wonage yi wae. It Eparayim inom, Mbeniyamin inom, Manate inom, Kat kabinak inoba pindanogo piige, Komaawi a'nuk, pilak ari logomenggendik, ninagap ndari wage, Eeru o.

Kini Wuppiige 16:23

Iniki warak nen aap oone liippunuk yuwak nduk eeppege, Ndi, oone nabek togon mamunirage paga wone mbet-mbet waawak nduk, eeppege, Eeke menggerak.

Ndawi Iya 1:12

Kat nogoba kendagembogut kageyo ndoonak paga kwi'ndak keegak, Obari eeka noba aago nogo obari wiganinuk naga o.

Yetaya 5:1

Nore niniki kunik eeke nogo ake ndawi wake, At eyabu anggur yarak ndawi paga anep pege, Eerigin nogo yi o. Nore niniki kunik nogo puut elan me anggween mili paga anggur awi yarak wonagagerak.

Matiyut 12:35

Aap obeelom mendek nogo ti, inikime obeelom mendek yugu paga obeelom aret eeke menggerak. Ndi, aap maluk mendek nogo ti, inikime maluk mendek yugu paga maluk aret eeke menggerak.

Matiyut 25:34

Eeke logominggirik, an nendagembogut aret me, it aakumi neenggi abe'nggan piyaminggirak nogo yorage logonet, An nogoba ale'nggen kinoba pinagi o. An mbi abu me, kit nen mbi wo'nugwi, yi abu me, yi too'niri nogwe, aap nggiru me, wo'nakwi, nayum yirik lek me, yum yippanugwi, andi warak me, pe'neya wogwe, an keele maarak me, kit neya wogwe, eeko nogogutak me, an nogoba nen o mbogut nggween awo wakkaga'lek kagak, kit aap nggwok kinendagembogut logobagip nduk, punogo pinagareegerak nogo ndak-ndak, kit mondok tiyanak logobagip nduk, wa'nip o.

Matiyut 27:37

Wonogo logonet, “Aap Yakuri inowe endagembogut Yetut yi aret o,” yinuk, oba lenggeneegwaarak wone nogo liiru mbanogo Yetut anobak irimbaga eyo nogo paga nabembereegwaarak.

Epetut 5:32

Ala nen wone yereegerak nogo ti, wone alom abu kumaarak negen aret yereegerak mbake logonet, Keritut apuri yi awi ndi awi monggoorak nogo ninom nonggop togon ambit kunik logorak wakkagak yokkirage kwe, ti mban yokkirage lek o.

2 Peterut 1:21

it aap aa'nduk Ala wone yorogo nogogwaarak nogo nen iniki koombunuk yorogo logolik o. Ata, Aberiniki inikime lik yi unggwage mbareegi, Ala nen yorage kagak yorogo nogogwaarak nogo kineenu arubagip nduk yokkiragi o.