Ndawi 44:3 - Ala Wone Peenok Peebi Mbanak

³ It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Ndawi 44:3 ပူးပေါင်းရင်းမြစ်များ

2 Tamuwen 7:23

Kat Ala nen it aakumi Iterali inagap ndarogo kat kapuri lombok aruwak nduk, o Metit paga tebenak wonogwe me, wondet eerogo piige, kendage tiyak yuwak nduk eeke, ndi, kat kaa'nduk a'nuk, mondok iya lombok tam warak negen eeke logonet inawim mugogo wumbiige, inagugi tebenogo piige, eereegindak me, o nggween paga yime abok aret it kapuri Iterali pogom ambi wonogwe lek aret o.

2 Mbinineegwaarak 20:7

Ninogoba Ala o. It kapuri Iterali inaame kaa'nduk a'nuk it aap inawi yime menggaarak nogo mugogo wumbiinok, o yi, kat kore Abarakam ombowologwe wiganak nen mondok-mondok unde logowak nduk, eeppiyareegindak nogo lek a?

Ndawi 111:6

At eerit nage menggerak paga Omaawi it at apuri ineenu aruwak nduk, Kin eeppege logonet, Yi aakumi ndi aakumi inanggween waganogo At apuri yate kwak wogorage,

Ndawi 17:7

Inom ogoorak nen it inoorukwak, Kabu'me ari unggwogwe iinok, Keenggi abe'nggan paga inagap ndaka kat yi, Aakumi kiniki kunik lombok aganake menggendak paga, “Wi!” kugwi nogo, Eeke keyaawak nduk, eeru o.

Ndawi 20:6

At Aliku ALA nogo nen Amburu eerogo mippereegerak nogo agap ndake, Ndi, nggino yoge kenok, At leenogo pateegim mbogut paga nen onggo yoge, At eenggi abe'nggan omaawi paga agap ndake, Eeke menggerak neenu agi o.

Ndawi 4:6

Aakumi ambik nen yogo logonet, “Abe eeriyak mendek ta nen kin paga yo'nirage logogin o,” Yogwe kwe, Kaliku nogoba ALA wae. Kat kabinak nogo nit paga eya eeppinanege logot o.

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 42:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, lombok mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” yinuk, yoge agarik o.

Ndawi 74:11

Keenggi abe'nggan awiikko'nok laganggendak nonggop nduk wonage agandik o? Keenggi kayum enoona porogo wonage nogo, Nggiginogo aakumi ti, pup eerogo piinet nage logot ubi!

Ndawi 77:15

Keenggi omaawi paga kapuri Yakup paga wiganak inom, Yutup paga wiganak inom, wondet eerogo piige, Eereegindak o.

Ndawi 78:55

At aa'nduk a'nuk wage logonet, Yi aakumi ndi aakumi mugogo wumbiige, It aakumi inanggween ti, kuli mbanogo ineyate kwak It Iterali inanebunu lombok wogorage, Inanggween ti paga inawi wuppatinuk logowak nduk yorage, Eereegerak.

Ndawi 80:16

Eyo yareegindak nogo muurogo punuk kani kunggwi, Kenete aagi eeppunuk mberiragagindak paga It kat kapuri inenggaawak lek eerogo piigwi, Eekwi me,

Ndawi 80:9

Nggween amok mbanogo punuk yareegindak me, Eyo awi ti, omanggen kiiniki paga aret wurake, Eno'mbak o yi paga ndak warogo pege,

Wundeegwaarak 15:16

Aakumi abok inaganak ndik-ndik irage logonet, Inagabolo nirik-kirik yogo logogun o. Keenggi omaawi paga it yugum oone lek pogom eerogo piigendak wonogwe iigak, Kapuri Iterali mendek iniki ugun nogwe, Kaliku ALA nen kapuri inagap ndarogo piigendak nogo, Iniki ugun iname logowam nogome unggwi nogwe, Eerugun o.

Yetaya 63:12

At eenggi omaawi ayuk warak nogo paga Muta panggombege kagak woraawak nduk nappi wage, Endage mondok-mondok wiganinuk nawak nduk, inenggaanom paga niyo mogonogo piige,

Takariya 4:6

Yoge mbaki, at nen an yo'nege logonet, “At Aliku ALA nen at Terubaben yoriyak yo'negerak nogo yi aret. At alilaakwi paga, at omaawi paga, eerigin lek o. Ata, an Naberiniki paga eeppege neegak eerigin o, yinuk, at Omaawi Lombok Menggerak Aliku ALA nen aret yegerak, yoru o.

Linggineegwaarak 14:8

Ndi, at Aliku ALA nen inikilom ninombake kenok, time wo'niren pinani nanuk, nggween nggiin amburu inom, yilak amburu inom, niyo eneeri negen kila-kila wungge menggim time aret wo'niraagin o.

2 Korindut 4:7

Ala nen nit unde eeppinaneegerak nogo ti, ninageerok niniki kundugu kwak aret me, nit wone ti, yorogwe niigak, Ala omaawi paga aakumi inikime mondok alik lombok eeppiinet nage nogo, kogo logomenggaarik, “Yi aakumi inomaawi paga eekwi lek o. Yi Ala omaawi paga aret eeppiinet nage agaarik o,” yinuk, kin kogo logowak nduk, togolowak nggween mendek ogobakkigirik nogo paga yonggolak wonage o.

Pelaareegerak 10:15

Togop aret kwe, at Aliku ALA nen kit kinombomini nogo inabuwa nggwok lombok mba'nuk iniki kunik aganake nagagerik, aakumi inanebunu andorogon wonogwe iigak, inombowologwe kit mban miirogo pinagareegerak yogondak wonogwe kit yi aret o.

Yotuwa 24:12

Pinagage mbareegi, kinawooluwak inom, kineegin inom, ti paga mugogo wumbiyoolik o. Ata, an nen nggiin kundi ineyak andiigwi kombogorak nappiya wagagirak inaa'nduk ineyak mbaninabit nogo logonet, aakumi ti inom, it Amori mendek inoweewi inendagembogut ineebe mbere nogo inom, mugogo wumbiyaawak nduk, eereegirak o.

Yotuwa 3:10

Yorage nagagerik, panggo yi wogo mbareegwa, it yorage logonet, “At eenik menggerak Ala nogo kinenggela'me wonage logonet, it aakumi Kanan mendek inom, Ket mendek inom, Kewi mendek inom, Perit mendek inom, Nggiragati mendek inom, Amori mendek inom, Yebut mendek inom, it apit aret at Aliku ALA aa'nduk a'nuk, mugogo wumbiyaagin abet aret kineenu arumunggup nduk, ambi yokkira o.

1 Tamuwen 12:22

At Aliku ALA endage abu tiyanak lombok logowak nduk at Aliku ALA nen inikilom kinombake logonet, apuri iniki kundugu lombok eekkinabeegerak me, mbo pinagagin mondok lek o.