Ndawi 43:3 - Ala Wone Peenok Peebi Mbanak

³ Kat aakumi eya eeppiige menggendak inom, Li'lak mban eeke menggendak wone inom, nen Tu ni'neege, Kat wonage menggenom kabuut alik leenak menggim pani wage, Eeke logowak nduk, Nappani mok o.

Ndawi 43:3 ပူးပေါင်းရင်းမြစ်များ

2 Tamuwen 15:25

It abok aret wundi nogo mbareegwa, aap endagembogut nen Tarot nogo yoge, “Aliku ALA nen an nabuwa mba'nuk, peebi o Yerutalem, Kiyokan nak o, yo'nege kenok, aloobut mbanak inom, at wonage menggim inom, nenegen ka noorak me, Ala aloobut mbanak yi, iyokan o kota wonok pi nak o.

1 Mbinineegwaarak 16:1

Ndi, at Aliku ALA aloobut mbanak nogo wonok wogo nogogwaarik, logowam awooliya wurogo pereegim at Ndawut koonogo pereegerak nogome pogo nogogwaarik, Ala enggaanom paga taati ake warogo kani kunggwi, Ala inom lambunik logowok nduk, ake pugwi, eeruwok nduk, pi wogogwaarak nogo

1 Mbinineegwaarak 16:39

At Aliku ALA nen it Iterali mendek yoragagerak abok aret Muta nen liiru mbaneegerak nogo ndak-ndak, kubondendok inom, kiyoma inom, Ala ake warogo wogogak ogobakkigirik nogo paga Aliku ALA ake warogo kani kunggo logowak nduk, at Ndawut nen aap Ala unde Tarok inom, at oreewi it Ala unde inom, puut Nggibeyon paga Aliku ALA awooliya wurik enaame time piige,

1 Mbinineegwaarak 21:29

Ti eeke eyom paga Aliku ALA inom lambungge menggim awooliya at Muta karume logonet wuriyak yoreegerak nogo inom, warogo kani kunggak ogobakkigirik inom, o Nggibeyon puut paga warogo wogorogo menggam time aret wonagagerak.

Ndawi 119:105

Niyok pit nage neegak ndi wuninogo panega, Nage neegak, tu eya eerogo panega, Nogo ti, kat koone aret o.

Ndawi 143:10

Kat nogoba Ala aret me, Kat eeriyak mbake nogo mamunnake, Kimbirak menggendak abu obeelom Aberiniki nogo nen Tu kobappaga wo'neren nawak nduk, nappi wage, Eeru o.

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 3:4

Niniki puru ari logonet, Noone nggwok paga Kaliku ALA yokkege neenok, Kabuut leenak menggim paga nen Onggo yo'nege menggendak o.

Ndawi 36:9

Ineenik aganaka alom kat aret o. Kat o eya kwak menggendak me, Pekkeegwi niinok, eya ee'ninake menggendak o.

Ndawi 40:11

Kaliku ALA wae. Kat nen nabuwa mbaka'lek mbo paniyak mage o. Ata, kiniki kunik ee'nake, Obeelom eerogo panege, Eeke logonet, Narum mondok aret logomunggun o.

Ndawi 42:4

Aa'nduk lombok aakumi ambik inale'nggen paga Ala awi wurik me kuwak eeri nogwe me, An naa'nduk a'nuk ninom nage logonet, Ninale'nggen paga keekok yogwe, “Wa!” yogo logonet ndawi wakwi, Eeko nogogurak nogo Abeppunuk niniki abu puru agan nage agaarik o.

Ndawi 46:4

Niyo ambi elaganggen alitik-alitak wage nen At Tiyanak Lombok Menggerak Ala agota alik leenak menggim wonogwe nogo Iniki ale'nggen eerogo piige menggerak o.

Ndawi 57:3

Kat Ala nabuwa nen kiniki kunik ee'nake, Yaga'ndak ndak-ndak li'luk eeppanege, Eeke menggendak me, It nggobok nirit nugwi nogo tebenogo piinok, An nagap ndaruwak nduk, Kat mbogut paga logonet, Kayonggo nappiya wage menggendak o.

Ndawi 57:4

Aakumi nen an nooruwok nduk eekwi ti, Singa aakumi nibininaburak kwak wonogwe, Ineyak ti, maale-wooluwak kwak wonogwe, Inamili ti, paloowi engget ambik kwak wonogwe, Eerak logonet, An wanggeppaninuk wonogo agaarik o.

Ndawi 78:68

Eeke logonet kwe, Anebunu Yekura mendek perak, miikkolage, Puut Tiyon iniki kunik eereegerak nogo leenogo pake,

Ndawi 84:1

Komaawi Lombok Menggendak Kaliku ALA wae. Kat wonage menggenom yi, Mondok iya abu kigirikwe agaarik o.

Ndawi 97:11

Aap iniki abe nogo inoba eya eerogo piige, Iniki koonak nogo inale'nggen mbaruwak nduk eeppiige, Eeke logogin o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Mika 7:8

Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Yaya 1:4

Aakumi ineenik eeginake menggerak alom at aret wonagagerak. Ndi, ineenik eeginake menggerak alom ti nen aakumi inikime eya eeginake menggerak.