Ndawi 43:2 - Ala Wone Peenok Peebi Mbanak

² Yugum pak wurogo pereegi kwak Kabu'me ari unggwaga kat Ala aret me, Nonggop nduk mbo panege, Nawim nen tebenogo panegak mban eekwi iinok, Niniki puru aago wonage tit neegak, Nonggop nduk teppanege, Eekendak o?

Ndawi 43:2 ပူးပေါင်းရင်းမြစ်များ

1 Mbinineegwaarak 28:9

Yorage nagagerik, aput Talomo yoge logonet, “Ndi, kat naput Talomo wae. At Aliku ALA nen yi aakumi ndi aakumi inikime maloppiige, Ndogop eerikit, koonggwi nogo, Nonggop nduk koonggwi, yinuk, eenu age, eeke menggerak me, kat nen Aliku ALA kwaake keenok, kimbirak lambunumunggun kwe, at mbo pege keenok perak, at nen kat mondok-mondok mbo pagagin o. Togop me, kogoba an nogoba Ala ti, An nogoba aret o, mbake logomenggendik, kiniki nen, Ala ake eeke logokit o, yinuk, kiniki-keebe nggaruk togon Ala wogo'nuk, ake eeke logomunggun o.

Ndawi 140:7

Kaliku Kitok Menggendak ALA wae. Kat nagap ndaka komaawi lombok wonage, Nawim nen nooriyak eekwi me, Nanobak kin age neyo, noba'nake, Eeke menggendak me,

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 31:4

Neebe op logorak keebe aret me, Towe pigaawok nduk yum tugunogo pogo mengga kwak, Time nggelok yi nage neyo, Tu nomonogo nappanege logot o.

Ndawi 42:10

Wooluwak paga ndanuk togon Inookaatak kanggo mengga kwak, It ninom wim mbanak nen O kubondendok nen nok oonikiya Meek lombok eerogo panogo logonet, “Kat kogoba Ala nogo eebe ngge o?” Yinuk, yo'nogo menggaarak.

Ndawi 42:9

An nen at nayugum kwak Ala yoge logonet, “Kat nen mari eerogo panege, Nawim nen tebenogo panugwi iinok, niniki puru aago wonage neegak mbo panege, Nonggop nduk eeke agandik?” Yinuk, yoge agarik o.

Ndawi 44:9

Togop aret kwe, Kat nen nit mbo pinanege, Ninenggali aruwak nduk eeppinanege, Nawuri wim eeka ninom wundi nogwe niigak, Kat ambinom ninom naga'lek puk age, Eeke agandik o.

Ndawi 71:9

Nanggok ari wage neenok, mbo panege, Nomaawi lek ee'nabit unggwage kenok, Kenegen lambek eerogo panege, Eeriyak ti mage o.

Ndawi 77:7

“At ninogoba Ala nogo nen Nit mondok-mondok mbo pinanigin ilik? Peebi ambinom ninabuwa nen obeelom eeppinanigin ilik?

Ndawi 88:15

An ti, wulaga mbuuluk paga nen Aaninggin-paaninggin noba age, An kambuurak mban ee'nake, Eerit wagagerak o. Namineeri ne agan nawak nduk eeppanege nogo kage, An niniki abu lek ee'nake, Eerit wundi wagagerak o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Yetaya 40:31

It aap, “Aliku ALA nen eeppinani woraawak o,” yinuk, iniki lunik wonogwe nogo perak, Inomaawi lek aremenggerak nogo inomaawi eekkologo logomenggaarik, Towe nggindooni a'naabit omaawi paga wiganinuk nege menggi kwak, we negen nugwi, Inomaawi lek aga'lek tu mbe agan nogwe, Iniki lek aga'lek op aret nogwe, Eeko logogun o.

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Epetut 6:10

Wone abu aret yokkiragarak me, age yobok ambi yi yokkira o. Kinowe omaawi ambik nogo paga kiniyok panggombunuk, kinogogumbuk logonip o.

Pilipi 4:13

Keritut nimbirak kunik logonet, omaawi eeppanege kagak, an yi eekak ndi eekak abok eeriyak op aret kage minggirak o.