Ndawi 42:5 - Ala Wone Peenok Peebi Mbanak

⁵ Niniki yoge logonet, “Niniki yi wae. Kat nonggop nduk puru ari, Nonggop nduk, Ai, lombok mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” yinuk, yoge agarik o.

Ndawi 42:5 ပူးပေါင်းရင်းမြစ်များ

Ayup 13:15

An ambi eeriyak niniki lunik lek me, nooriyak mbake kagak kwe, Nawone nogo at enggaanom paga an nen aret naana'le mbanggolaagin o.

Ndawi 35:14

Noreeluk kwak, nawuluk kwak, “Andi eekerak o,” Yinuk, niniki puru agan nage minggi kwak agan nege, Aap ambi agalo kangge kenok, Iniki puru aago menggi kwak Niniki puru aago logonet nanep kumbunuk le ari, Eekirak kwe,

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Ndawi 38:6

Andi nen namborowak yomo agan wangge paga Nena nggween paga wandunik mban nege, Niniki mondok puru aago nege neegak, o kiip ari nage,

Ndawi 42:11

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoge agarik o.

Ndawi 43:5

Niniki yoge logonet, “Niniki yi wae. Kat nonggop nduk puru ari, Nonggop nduk, Ai, mbake, Eeke agandik? Nagap ndaka nogoba Ala endage tiyappege logogin me, Niniki yi, at paga panggonak logot o,” Yinuk, yoreegirak o.

Ndawi 44:3

It aakumi yi, kiniki kunik eeginabeegindak me, Yate kwak nggween kologogwaarak nogo ti, Inawooluwak ayuk paga kologwe, Ineenggi omaawi paga ineegin tiyak ari, Eerulik o. Ata, kat keenggi omaawi abe paga inom, Ketenggen eya aago wonage nogo paga inom, Ineegin tiyak yuwak nduk, eeppiyareegindak o.

Ndawi 56:11

Niniki kat Ala koba panggonak wonage paga An nagabiti mbarigin lek niniki kwi'ndak wonage me, It aakumi nggween paga mendek nen an nano eeppaniyak mbaken? Lek aret o!

Ndawi 56:3

An nagabiti ee'nabit unggwage kenok, Niniki kat koba panggombagage minggirak o.

Ndawi 61:2

O irip me nen noone nggwok paga yokkege, Niniki lek ee'nabit unggwage kagak yokkege, Eeke me, Yugum nu'lek tiyarogon wonage nogo paga Nalik lagarak meek me, Kat nen aret wo'neren pani lagu o.

Ndawi 71:14

Togop eerugun kwe, an perak, Niniki mondok kat paga lunik wonage, Kalut eerit mban nage,

Ndawi 77:3

Ala oba abe'nage kenok, niniki oone ari, Ninikime koonit nage neegak, Nomaawi lek ee'nabit unggwage, Eekerak o.

Yetaya 30:29

Ndi, inale'nggen eeko logorak ne leenak nogo paga oonikiya inale'nggen logonet, eeko mengga kwak, Kit perak, kinale'nggen nen ndawi wakwi, It aakumi inale'nggen nen mbuti luu'ngget oone eerit Aliku ALA abuut paga laganggwi, Yugum Lunik kwak Iterali inogoba nogo alut eerit laganggwi, Eeko mengga kwak, Kit togop aret kinale'nggen mbakwi, Eeko logomunggup o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Linggineegwaarak 6:26

Aliku ALA ena koonogo pekkiige, Kiniki ambit lambunik nu'lek logomunggup nduk, eeppinagage, Eeke logogin o, yinuk,

Matiyut 26:38

Age nagagerik, “Wologwe wae. An niniki puru ari logonet, kambuurak ee'nake me, kit yime logonet, tum wakwi, ndi, an togon tum wakkola nage, eeruwok o.”

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

1 Tamuwen 30:6

It Ndawut awuri nogo inakuwi inapurilogwe wologwe-komologwe wogoren nogogwaarak paga inanini agaket yogo logonet, Ndawut nogo yugum paga wariyak nduk koonggwi iinok, at Ndawut nogo iniki piirik agagerak kwe, at iniki Aliku ogoba Ala oba panggombunuk mondok nu'lek aret wonagagerak.