Ndawi 42:3 - Ala Wone Peenok Peebi Mbanak

³ Kubondendok nen nok oonikiya ari nage kagak, It aap nen, “Kogoba Ala nggeeme wonage o?” Yo'nugwi tit iigak, Liingge oonikiya nambi-mbiingga nengge pogom Nale amburu mban wangge agaarik o.

Ndawi 42:3 ပူးပေါင်းရင်းမြစ်များ

2 Tamuwen 16:12

An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

Ndawi 102:9

Kat nen an nendage tiyappanege nagandik, Ti'nuk, kanini mondok alik negen noba panege logonet, Mbo panegendak me, Nambi kwak ti, liirubu aret nengge, Nale amburu naniyo inom nenggelak-kenggelak eerogo punuk nengge, Eeke agarik o.

Ndawi 115:2

It yi aakumi ndi aakumi yogo logonet, “It inogoba Ala ngge o?” yinuk, yogwe ti, Nonggop nduk yogo agaarik o?

Ndawi 143:6

Nggween mbuk agaatak kwak An niniki togop aret woongge kenok, Kat koba abeke logonet, Neenggi nippunuk tamban eeke agarik o.

Ndawi 22:8

“At iniki Aliku ALA oba panggonak wonage me, Aliku ALA nen aret ili ari, Ndi, at iniki kunik wonage kenok, Agap ndarogo pege, Eeruwak o,” yinuk, yogwe, Eeko agaarik o.

Ndawi 3:2

It apit nen nabok mbanggo logonet, “Ala nen agap ndarigin lek o,” yinuk, yogwe, Eeko agaarik o.

Ndawi 42:10

Wooluwak paga ndanuk togon Inookaatak kanggo mengga kwak, It ninom wim mbanak nen O kubondendok nen nok oonikiya Meek lombok eerogo panogo logonet, “Kat kogoba Ala nogo eebe ngge o?” Yinuk, yo'nogo menggaarak.

Ndawi 63:2

Kawi alik leenak wurik me wonage me nenegen keege, Komaawi ambik kendage abu tiyanak liippagage, Eekirak o.

Ndawi 79:10

It yi aakumi ndi aakumi alik mendek nen Ninabok mbininggo logonet, “It aakumi ti, inogoba Ala nggeeme wonage o?” Yinuk, yogwe ti, nonggop nduk yogo agaarik o? Nit kayeloman mini ninookwi iinok, Ninane'me wagangge it aakumi ti, ineenu aruwak nduk, Nit ninigen niigak, ninookaarak onggo eeppiiyet o.

Ndawi 79:12

Nogoba o. It aakumi ninaagan-ambokan wonogwe yi, Kat meek eerogo pagagaarak onggo ne 7 kuli melak togon inoba kwippiyet o.

Ndawi 80:5

Ninambi wo'nirookwak Niniki wakkologo logorak mban eeppinanege, Ninaniyo wo'nirookwak ninale amburu mban Togolowa'na yagabit eerogo pogo logorak eerogo pinanege, Eekendak me,

Ndawi 84:3

Nowe kendagembogut Komaawi Lombok Menggendak Kaliku nogoba Ala wae. Towe yiluwe nen, “An yime aret logokit o,” yinuk, Kawi wurik me awi mbambunuk wonage, Ndi, kake warogo wokkogo menggam eraanu towe wuni'nuk inaagalogwe ndarogo piyoorak awi mbambunuk wonage, Eekwi iinok, An kunduk togop aret logokit lak, “Ao,” mbake agarik o.

Wundeegwaarak 23:17

Tahun ambit eerak ne kenagan paga it aap mban abok aret Naliku Nitok Minggirak kinogoba ALA an nowagam wogo logowak o.

Yowen 2:17

It aap Aliku ALA enggaanom paga eeko menggaarak Ala unde nogo, Ake warogo wogogak ogobakkigirik kagak, Ala awi wurik me tu unggwogo menggam kagak, Oolo time logonet, leenggu maakwi, It nen, Kaliku ALA wae. Keyate kwak kapuri kiniki kundugu nogo, aakumi inenggela'me wonogwe iinok, Inabok nggarik-nggarek agan nugwi, Miyuk-meya eerogo piigwi, It inogoba Ala nggeeme wonage o? yinuk, it-it agan nugwi, Eekwi iyo, Kapuri inaana'le mbangge logot o, yinuk, yokkugwi, Eeruwak o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Pelaareegerak 5:26

At eenik menggerak Ala nogo kani wunuk ari enggela'me nen oone ari nit konenggwi kwe, kangga'lek nineenik wonogwe yi kwak, aap kanggo menggaarak mendek ambi ta nen togop konembunuk, kangga'lek wonage mbakop?