Ndawi 42:1 - Ala Wone Peenok Peebi Mbanak

¹ At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 42:1 ပူးပေါင်းရင်းမြစ်များ

1 Mbinineegwaarak 6:22

At Kekat paga nen wigannogogwaarak ti, aput Aminarap ndake, Aminarap nen aput Kora ndake, at Kora nen aput Atit ndake,

Ndawi 119:131

Koone, “Yogop ee'nu ndogop ee'nu,” Yugu nogo “Konenikit lak, ao,” mbake minggirak me, Niyo abu nen wen-wen aganake menggi kwak, An togop aret ee'nake menggerak o.

Ndawi 44:1

Ala wae. Aa'nduk lombok ninombomini wonogwe eyom paga kat eerit wagagindak It nen mbininogo yo'nirogogwaarak nogo Nit ninaruk abe nen koneneegurak o.

Ndawi 45:1

Ndawi pereegirak aap endagembogut ake tiyaniyak eeke neegak, Wone abe mendek yikit nduk, Niniki nen nggaganogo yo'nege, Aap liiru mbaniyak abu eenu me, Wone abe liiru mbangge menggi kwak, Wone abe mban nambe paga panege, Eeke agaarik o.

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Ndawi 47:1

Kit yi aakumi ndi aakumi wae. Kiniki ale'nggen nen kineenggi telak eekwi, “Ala iya o,” yinuk, kinale'nggen nen keekok yogwe, Eeko logonip o.

Ndawi 48:1

Aliku ALA abuut alik leenak menggim ninogoba Ala agota paga wonage nogo, Mondok iya aret me, at tiyappogo logorak ti, op aret o.

Ndawi 49:1

Kit yi aakumi ndi aakumi abok kinaruk konenggwi, Kinendage lek kinendage warak inom, Kineenggi lek kineenggi warak inom, Kit nggween paga wonogwe yi abok liirogon konenggwi, Eeko logonip o.

Ndawi 85:1

Kaliku ALA wae. Kat kanggween nogo ili eerogo pege, Yakup paga wiganak aa'nduk wonogogwa kwak Obeelom eerogo piige,

Ndawi 87:1

At Ala nen puut abu abe alik leenak nogo paga “Nawi alom ti paga logokit o,” yinuk, O nambit-mbit wurogo patit nage,

Ndawi 88:1

Nagap ndaka Kaliku ALA yi wae. Yeenggwa nirenok nduk, liingge-oonikiya kulinik aret noone nggwok paga yokkege agarik o.

Wundeegwaarak 6:24

Karun apuluk Eleyatat nogo nen aap Putiyen apuluk ambi wagangge nagagerik, apuluk Pinekat at obaane'me aret ndareegerak. At Lewi nen ndaganabeegerak paga inalitik-inalitak wigannogogwaarak nogo, it ti aret o.

Linggineegwaarak 16:1

Anebunu Uruben mendek at Eliyap apuri Ndatan, Abiram, imbirak inom, Pelet aput On inom, it kenagan ti nen anebunu Lewi mendek wiganak Kekat aput Yitakat ombooluk Kora inom iniki mi'nogo nogogwaarik,

Linggineegwaarak 16:32

it aakumi ti, inakuwi-inapuri inom, it aakumi Kora inom wonogwe inom, inamindik-inamendek inom, abok aret nggween nen ambeme yonggorinabeegerak.

Linggineegwaarak 26:11

Aap Kora kambeegerak kwe, at paga wiganak nogo perak, lek arulik inanobak ki aret wonogogwaarak.