Ndawi 41:9 - Ala Wone Peenok Peebi Mbanak

⁹ An nore niniki kunik abet aret mbake, Nimbirak mbi nengge, Eeke minggirak nogo nen kunduk, Nimbirak logorak, “Neebi o,” yinuk, mbo panegerak o.

Ndawi 41:9 ပူးပေါင်းရင်းမြစ်များ

2 Tamuwen 15:12

Inom aret nogo nogogwaarik, at Abatalom nogo Ala ake warogo wogoge logonet, aap Nggilo mendek endage Akitoben Ndawut inom wone koongga nogo, ame o Nggilo time wonage me, woraawak nduk, ayeloman mini yonggo nappiyareegerak. Togop eereegerak paga Ndawut tebenogo puwok nduk iniki ambit eeppunuk, koonogo pereegwaarak nogo, nggwok aret age mbareegi, aakumi apit at Abatalom inom mban aret ogogwaarak.

Ayup 19:13

Nowe-nawot nen an mbo paninuk, mbaganuwak nduk, eeppiige, Eekerak o. It ninom minggirak nen aap nggiru kwak eerogo panugwi,

Ayup 19:19

Noreewi ninom niniki kundugu nen noba peyak wurogo panugwi, It an niniki kunik mendek nen ineebi nen inena nomok yogwe, Eeko agaarik o.

Ndawi 101:3

An neegak maluk eeriyak ti, “Mage o,” yorage, Eeke logogin o. It aap an noone liippuurak ineebi mbakwi nen Eerit nugwi nogo an neebi inombake, It an ninom kunik logorak lek aret inombake, Eeke logogin o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Obaya 1:7

It Erom mendek inom a'nuk eerit nugwi nogo nen aret inanggween kuli pugu kagak mugogo wumbiigwi, Inoreewi inom kunik nen inambokan laganggo logonet, tebenogo piigwi, Inom mbi nunggwi nogo nen yilunogo piyaawak nduk, keele kwak pit nugwi, Eeremenggaarak kwe, It yelok kaagun lek aret o,” yinuk, ari kagarak me, yokkiragi o.

Mika 7:5

Aap aput wulaga nen ogoba meek eerogo pege, Apuluk kolaga nen mi'nage logonet, agalo imbirak ogookkologwe, Enggelo nen enggelo imbirak ogookkologwe, Aap ambi inom wim mbanak ti, owe-awot aret wonogwe, Eerugun me, Kinom monggotak kiniki inoba panggombugwi, “Ninore aret o,” yinuk, it inoba panggonak wonogwe, Eeriyak mage o. Ndi, kwe ambi kinaawi paga windak aruk konengge kero, kinoone yogwe nogo liippogo logonip o.

Matiyut 26:23

Yogo mbareegwa, Yetut nen, “At nimbirak nineenggi tenggap me tamonogo nunggwi yi nen aret neebe nooruwak nduk, yoraagin o.

Yaya 13:18

Kit abok kiinok yokkirage lek o. An miirogo leengginabeegirak an neenu aret o. At nimbirak mbi nengge nogo nen aret nooriyak koonggerak o, yinuk, Ala wone liiru mbanak nogo a'me lik yuwak nduk, agaarak me, a'me lik yigin o.

Pelaareegerak 32:15

Kendage Yetiyurun ti, li'lak eeka aret kwe, Keebe kole a'nuk, kiyok konden kambokan nen yigirogo pege, Ndonggok togon nenok, keebe piike logonet, Keeruwak loba eerogo pege, Eeke nagagindik, Kanebunu ambit mendek agago pagareegerak Ala nogo mbo punuk, mbagangge, Yugum nu'lek menggi kwak kagap ndaka nogo teppege, Eeppunuk,