Ndawi 41:2 - Ala Wone Peenok Peebi Mbanak

² Aliku ALA nen aap ti, Eebe obeelom logowak nduk, arum wonage, Ili eerogo pege, O yime wonage kagak, ale'nggen mban oba pege, Eeke logonet, At awim nen maluk eeppuwak nduk, ineenggime pigin lek o.

Ndawi 41:2 ပူးပေါင်းရင်းမြစ်များ

Ndawi 27:12

It aap apit aret mi'nogo nagaarik, pilit-pilit, “Togop eekendak o,” yinuk, yo'nugwi, Iniki aagi paga, “Ndogop eeppagagun o,” yinuk, yo'nugwi, Eekwi me, It eeppaniyak uugwe mbakwi nogo Ineenggime paniyak mage o.

Ndawi 37:22

It aap Aliku ALA ale'nggen inoba piige nogo O yi, yate negen unde eekkolaagun kwe, It aap pulunogo piige nogo perak, Inenggaawak lek aret arugun o.

Kini Wuppiige 11:17

It aap iniki ndoobu nogo inobaalombok aret obeelom eekko'net nogo menggaarak kwe, Aap inanini ambik nogo perak, ineebe aret maluk eekkologo menggaarak.

Kini Wuppiige 14:21

Aap ambi nen ore meek mbake ti, maluk aret eeke menggerak kwe, Aap ambi nen it aap tebenak mendek inabuwa mbake nogo perak, at ale'nggen nggwok aret mbake menggerak.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 31:20

Iniki ndoobu me, aap tebenak wonogwe nogo wogorage, Aap ineenggi lek nogo yenggwaarage,

Yeremiya 39:17

Aliku ALA nen ari logonet, Ne ti eyom paga at eebe aap at agabiti mbake nogo ineenggime piyaagin lek wondet eerogo pigin o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

Urut 2:19

Wogoge mbareegi, eenggelo nogo nen at yoge logonet, “O ngga nen anebenogo wagangge, ndi, yogondak aap ta eyabu aago me eeke, eekendak? Eeke keegak, aap liippagagerak nogo Ala nen ale'nggen oba pege logowak o.” Ari mbareegi, eenggelo Urut nen eekerak nogo tigitogon aret mbininogo yoge logonet, “O yogondak aap eyabu eekirak nogo ti endage Mbowat aret.”