Ndawi 41:12 - Ala Wone Peenok Peebi Mbanak

¹² An abet aret maluk eekeelik Obeelom mban eeke neenok, Niniki eyak wappanege, An kenggaanom paga mondok-mondok logokit nduk Wo'neren pani wage, Eekendak o.

Ndawi 41:12 ပူးပေါင်းရင်းမြစ်များ

Ayup 36:7

It abe koonak eeka nogo enegen wogoren nage, It aap inendagembogut wone lengganogo yorogwe me, Inom yorogo logowak nduk, nabenogo piige, Inendage mondok tiyanak logowak nduk, eeppiige, Eeke menggerak kwe,

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 17:15

An perak, obeelom mban eeke minggirak me, Kenggaawak nenegen kage, Neenik a'nuk kenete nonggop menggendak nogo nenegen keege, Eeke logominggirik, Niniki abu ndonggo yigin o.

Ndawi 25:21

Kat paga niniki lunik minggirak me, An pilit ariilik abet mban ari, Koonak mban eerit nage, Eeke minggirak ti paga nen wo'neren nawak o.

Ndawi 30:2

Kaliku nogoba Ala o. “Yeenggwa niru o,” yinuk, noone nggwok paga yokkigirak me, Neebe obeelom eerogo panege,

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 63:8

An kat paga panggonak wonage neenok, Keenggi abe'nggan paga eyak wappaninuk menggendak o.

Ndawi 94:18

An nen ari logonet, “Kaliku ALA wae. An eraabin tuk togon wangge agarik o,” ari neenok, Nabuwa nen pi'nake nagandik, nu'lek eerogo panege,

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.