Ndawi 40:14 - Ala Wone Peenok Peebi Mbanak

¹⁴ It aakumi an nooriyak koonggwi nogo inenggali ogwe, Iniki kobak a'nuk ma'nogwe, Eeruwak o. Ndi, it maluk eeppaniyak mbakwi nogo inenggali a'nuk yungguninuk nogwe,

Ndawi 40:14 ပူးပေါင်းရင်းမြစ်များ

Ndawi 109:20

Aap eeppuurak yagarak nogo aret it aap inoone an liirit yo'nugwi, Inoone maluk noba pugwi, Eekwi nogo onggo Aliku ALA nen it aret eeppiyaawak o.

Ndawi 22:12

Lembu ngguunok kwak Ninom wim mbanak apit nen wangge'nakwi, Tapi ngguunok inigen mbolokwi O Mbatan mendek kwak nen wanggeppaninuk wonogwe,

Ndawi 22:20

It inawooluwak paga nooriyak eekwi yi, Ineenggime nen nagap ndake, Neenik logorak ti, iya lombok me, Nggeewo eenggi paga nggerembunuk menggi kwak Eeppanugwi me, neebe ndinnake,

Ndawi 35:26

Aaninggin noba age neenok, “Op aret eeppogo a!” yinuk, iniki wogoppakwi nogo Inenggali ogwe, iniki kobak ogwe, Eeruwak o. Aaninggin noba kwi'nagaarak wonage neenok, It aap inale'nggen mbakwi nogo Yum yikkologo mengga kwak, inenggali eekkologwe, Inendage maluk eekkologwe, Eeruwak o.

Ndawi 35:4

It an nooriyak mu'neren wogwe nogo inenggali ogwe, “Ineegin tebek yegerak kayik a!” yinuk, yogwe, Eeruwak o. Nendage maluk eerogo panuwok nduk wone mbanit nugwi nogo Iniki kobak a'nuk iniyokan yungguninuk nawak o.

Ndawi 70:1

Ala wae. An nagap ndari wage, Kaliku ALA wae. Mbet-mbet yeenggwa niri wage, Eeru o.

Ndawi 71:13

Yeenggwa niri wage keenok, It an nabok mbanit nogwe nogo Inenggali mbakak kambit nawak o. It an nooriyak mbakwi nogo inendage lek ogwe, Inenggali mban inoba ninggirik wonage, Eerak logowak o.

Ndawi 9:3

Kat wone lengganogo yorage menggenom kwi'na'nuk, eekaatak nogo liirogon inowak loongge, Nawone inom, nobaalombok eeriyak inom, koonogo panege, Eekendak me, Nawim nowagam nen kole mbaganit nogwe, Kenegen keegak iniyogobit lik togon kambit nogwe, Eeko agaarik o.

Yetaya 41:11

It aakumi abok aret nen inanini kinombakwi nogo inenggali a'nuk inendage maluk age, Kit tebenogo pinagarak mbakwi nogo, it ambi eeriyak lek aret inenggaawak lek ogwe, Eerugun o.

Yaya 18:6

“Ti an aret o,” yorage mbareegi, inakom niruk nogo logonet, nggween paga ngginnarit nogogwaarak.