Ndawi 4:3 - Ala Wone Peenok Peebi Mbanak

³ It aap Ala mugurok nogwe iinok, Aliku ALA nen leenogo pake menggerak me, Kineenu a'nip o. An nen Aliku ALA yoge neenok, aruk konenigin o.

Ndawi 4:3 ပူးပေါင်းရင်းမြစ်များ

Ndawi 31:23

Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 49:3

Aap iniki warak logonet, Wone ari menggerak mendek an nen ari, Wone yelok koorak mendek ninikime nen, “Yu o,” yinuk, yo'nege kenok ari,

Ndawi 50:5

“An ninom wone abuk nggaruk togon koonogo pereegurak mondok aberak logowok nduk, Nake warogo wo'nireegwaarak Napuri leenogo piyareegirak nogo, wogoren piya wogo logonip o,” yinuk,

Ndawi 56:9

Noone paga, “Yeenggwa niru o,” yokkege neenok, Nawim nogo kole mbaganit nogwe paga Kat Ala nimbirak wonage neenu arigin o.

Ndawi 6:8

Togop me, nale ari nogo Aliku ALA aruk konenggerak me, Kit maluk eeko monggotak yi, An wonage me nen mbaganinip o.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Wundeegwaarak 33:16

Kat ninom nagun lek kenok, kapuri apit yi ninom ninabuwa nen obeelom eeppinanege menggendak nogo it aakumi alik mendek nen nonggop togon ineenu arugun? Kat ninom nage logonet, ninabuwa nen obeelom eeppinanege ti paga it aakumi nen, Muta at apuri inom ti, yi aakumi ndi aakumi o nggween paga yime wonogwe nogo kokwak lek alik mendek aret o, yinuk, yelok niigo logogun o.”

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Epetut 2:10

Ala nen aret ogobakkigi'ninabeegerak me, nit at amendek aret ogoorik o. Nit nda'naga'lek niigak obeelom eerit nogo logorak Ala nen maan kooneegerak nogo, Keritut Yetut ninom kunik logonet eerit nogo logowok nduk, ogobakkigi'ninabeegerak.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

2 Peterut 2:9

Ala nen togop aret eeginabit wundi wagagerak me, nit at apuri at oone eerit nugwi nogo aaninggin mendek ninoba age kenok, ninagap ndake, ndi, it obeelom eekwi lek maluk eeko menggaarak nogo peebi age yobok paga inowak loonogo punuk, maluk inoba kwippiige, eeriyak nogo at eenu aret me, eerigin aret mbako logowok o.