Ndawi 4:1 - Ala Wone Peenok Peebi Mbanak

¹ Kat abe koonak mban menggendak nogoba Ala wae. Niniki puru ari logonet, Noone nggwok paga yokkege neenok, onggo yo'nege, Aaninggin noba wonage kenok, teeluk eerogo panege, An tamban eeke nogo nabuwa nen karuk konengge, Eeru o.

Ndawi 4:1 ပူးပေါင်းရင်းမြစ်များ

Ayup 36:16

Nggeewo pagi eyak nggerembunuk menggi kwak, Aaninggin nen koba nggero eerogo pagit unggwage me, Wondet aago logonok nduk, Ala nen, Mok o, mok o, yokkege, Mbi abe ndiinik-piinik aago wonage me kwippagage, Eeke kwe,

Ndawi 11:7

At Aliku ALA liirogon obeelom mban eeke, It a'me nggelok eekwi nogo inikilom mbake, Eeke menggerak me, It aap iniki koonak nogo nen At enete inigen kogo logogun o.

Ndawi 116:16

Kaliku ALA wae. An kayeloman abet aret wonage, Kwe kayeloman aagaluk an kayeloman aret wonage, Eeke agarik o. Mbutigeele maarak wonage me, Kat nen aret piinogo panggendak o.

Ndawi 116:6

Aap tebenak mendek Aliku ALA inarum wonage, Eeke menggerak me, An nomaawi lek abu meek ee'nake mbaki, At nen nagap ndakerak o.

Ndawi 119:132

It aap kat keebe iniki kunik eekwi iinok, Inabuwa mbake menggendak kwak, Kena logurogon pe'neenok nabuwa mbake,

Ndawi 143:2

It aakumi o nggween paga wonogwe inenggela'me Aap ambiriluk ambi iniki abe koonak kat kageelik me, Kayeloman an yi, nowak looniyak mage o.

Ndawi 17:6

Ala wae. An yokkege neenok, Noone karuk konengge menggendak me, Noone nggwok paga yokkege agarik o. An yokkege yi, karuk nggoongge, An tamban eeke yi, karuk konengge, Eeru o.

Ndawi 22:1

Nogoba Ala o. Nogoba Ala o. Kat nonggop nduk teppanege, Nonggop nduk yeenggwa nega'lek keebe nda wonage, Niniki andi logonet, noone yokkege kwe, Nonggop nduk konengga'lek keebe nda lombok wonage, Eeke agandik?

Ndawi 24:5

It aap ti, Aliku ALA nen ale'nggen inoba piige, It inagap ndaka inogoba Ala nen, “Aap yi maluk eerulik o,” yinuk, yorage, Eerigin o.

Ndawi 25:16

Nalik mbo panegaarak wonage, Tebenogo panegaarak wonage, Eeke me, Kena koonogo pe'neege, Nabuwa nen obeelom eeppanege, Eeru o.

Ndawi 31:8

Kat nen neebe waganogo Ninom wim mbanak ineenggime panulik O tini nggwok obeelom me niyok yarogo panegendak o.

Ndawi 41:12

An abet aret maluk eekeelik Obeelom mban eeke neenok, Niniki eyak wappanege, An kenggaanom paga mondok-mondok logokit nduk Wo'neren pani wage, Eekendak o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 45:1

Ndawi pereegirak aap endagembogut ake tiyaniyak eeke neegak, Wone abe mendek yikit nduk, Niniki nen nggaganogo yo'nege, Aap liiru mbaniyak abu eenu me, Wone abe liiru mbangge menggi kwak, Wone abe mban nambe paga panege, Eeke agaarik o.

Ndawi 56:1

Ala wae. Nawim nen nooruwak nduk, nggobok nirit nugwi, Pi'nabuwok nduk, ko'lu-kii'me Nappanggak-wappanggak nugwi, Eekwi yi, nabuwa mbaru o.

Ndawi 57:1

Ala wae. Neebe op logokit nduk, Kabu'me unggwi wagarak wonage me, Nabuwa mbake, narigi mbake, Eeru o. O wiya nen namburogo nappiige menggi kwak, An eeppaniyak eeke yi, lek ari noorak eeke kagak, Towe a'naabit paga tebembiinok menggi kwak, An tebembaninuk logonok nduk kowagam wagi o.

Ndawi 6:1

Kaliku ALA wae. Kanini nombake logonet naruk wake, Kiniki aagi paga niniki koonogo panege, Eerugun o.

Ndawi 67:1

Aakumi yi o ndi o wonogwe nogo kat Ala eerit nage menggendak nogo ineenu ogwe, Aakumi inagap ndake menggendak nogo, yi aakumi ndi aakumi abok aret liippugwi, Eeruwak nduk, Kat ninabuwa nen obeelom eeppinanege, Kale'nggen ninoba pinanege, Kenete eya lombok logonet, pe'niige, Eeke logot o.

Ndawi 76:1

It o Yekura wonogwe nogo nen Ala ineenu wonogwe, It o Iterali wonogwe nogo nen at endage tiyappugwi, Eeko menggaarak o.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Abakuk 3:19

An nomaawi ti, at Aliku Itok Menggerak nogoba Ala aret. Rusa iyok teeluk me, ya pegak nda pegak nege menggi kwak, an niyok togop aret eerogo panege, Puut-puut tiyarogon niyok pit nage logokit nduk, eerogo panege, Eeke menggerak o. Ndawi pugu yi, nggitat eekwi iigak, tiyanggo logowak nduk, inowe wogoreegwaarak.

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

2 Korindut 1:10

Ti paga nen mondok kambuurak aret wonogogurak kwe, ninagap ndareegerak me, peebi togon ninagap ndarigin aret o. Ndi, yogondak eeppinanege yi paga at nen ninagap ndarigin abet aret mbakwi me,

2 Korindut 1:8

Nit o Atiya wonogwe me, aaninggin ninoba agagerak nogo, kit kineenu arubagip nduk, yokkiraawi o, noreewi. Nit o Atiya wonogome, aaninggin-paaninggin mondok iya lombok ninoba age mbareegi, “Lek ariyak lek me, kambuurak op aret kogo,” mbareegurak.

1 Tamuwen 17:37

At Aliku ALA nen singa inom, beruang inom, ineenggabit paga nen nibinnake kero, nagap ndakerak ndak-ndak, yogondak at aap Pilitin mendek eenggime nen togop aret ndinogo nagap ndarigin o.” Yoge mbareegi, at Tawun nen Ndawut yoge logonet, “Op aret o. At Aliku ALA kimbirak aret nak o,” yinuk, yoreegerak.