Ndawi 39:6 - Ala Wone Peenok Peebi Mbanak

⁶ Aakumi inagalu'mak ne ambit lek age menggi kwak It aakumi togop aret nugwi, Iniki taganak nugwi kwe, we aanom warogo kagak nugwi, Inamendek kuwak eerogo patit nugwi nogo Ta unde eekkolamenggi? mbaka'lek ineenggo'lek logonet, kambit nogwe, Eeko menggaarak.

Ndawi 39:6 ပူးပေါင်းရင်းမြစ်များ

Ayup 14:1

Kumi nen ndaganakaatak aakumi nogo ti, Inomaawi lek ndarak iigak, ineenik kuwagaluk aret me, Aaninggin inoba kagak nugu menggaarak o.

Ayup 7:16

Neenik mondok-mondok logorak mbakeelik o. Neenik wonage yi, Inambe aagi ne ambit wungge kwak aret, mba'nuk, Neenik logorak neebi lombok mbake me, mbo panu o.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 127:2

It aap Aliku ALA iniki kunik eeginake nogo, Nogo yugwi iigak, inambi wogorage menggerak me, Kit kinambi noorak kwaakkologo logonet, O kuubondendok kineenik a'nuk, Yabu ta'liila eekwi tit kiigak, O kiip age kenok, kiname nogo yi unggwogwe ti, We aanom warogo aret eeko monggotak o.

Ndawi 144:4

It aakumi ti, Inambe aagi ne ambit wungge kwak wonogo menggaarak o. Inagalu'mak lek age menggi kwak, Nda'nogogwaarak eyom nogo togop aret lek age menggerak.

Ndawi 89:48

Aap ta nen kanggeelik eenik mban wonage, Ndi, aap ta nen aakumi kambunuk nogo menggam nen agap ndakkolage, Eeriyak mbakop? Lek aret o!

Kini Wuppiige 13:22

Aap abe nogo nen eyate ombowologwe inake piinok nage menggerak kwe, Aap maluk eeka amendek nogo perak, aap iniki abe koonak inake teppiinok nage menggerak.

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Wone Alom Kibingga 1:14

It aakumi oonegen abu'me menggaarak nen yi mendek ndi mendek eekwi abok aret nenegen liippereegirak me, ti abok aret ti, o wiya mugurok nogwe kwe, pigoorak meek kwak we aanom warogo mban eekwi iyareegirak.

Wone Alom Kibingga 11:10

Togop me, kat keebe tawe aret wonage, Ndi, tawe logonet komaawi paga eerit nage, Eeke ti, We aanom warogo aret me, “Eerikit lak, ao,” yinuk, kiniki piirik wonage, Kagabolo andi-pandi eekkake kenok, kagabiti mbake, Eeriyak mage o.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Wone Alom Kibingga 12:8

Wone alom kibinogo yoraga an nen, “Aanom warogo aret! Aanom warogo aret! Yi mendek ndi mendek abok aret ti, we aanom warogo mban aret wonage kage minggirak o,” yinuk, yereegirak o.

Wone Alom Kibingga 2:26

Togop aret me, aap ambi nen Ala inikilom ombaruwak nduk eeke kenok, Ala nen iniki warak eeppege, yi wone ndi wone eenu eeppege, iniki ale'nggen mbaruwak nduk eeppege, eeke menggerak kwe, it aap maluk mendek perak, wu kwaarit nugwi, yi mendek ndi mendek kunogo kuwak eerogo pakwi, eeppunuk, it aap Ala nen inikilom mbake nogo wogorogo logorak ineyabu ti aret unde eeppiige menggerak. Ti eeriyak kunduk, o wiya mugurok nogwe kwe, pigoorak meek kwak, we aanom warogo eeriyak aret kagagirak o.

Wone Alom Kibingga 2:8

aap inendagembogut inom, it inabu'me logonet yi o ndi o unde menggaarak inom, inamendek iniki kundugu mbuti perak inom, emas inom, kuwak eerogo pako menggaarak mendek, an kuwak eerogo pake, ndawi tiyanggak kumi-aap koonogo piige, aap iniki ale'nggen eeppiigak kumi nogo kuwak eerogo piige, eeke nagagirak o.

Wone Alom Kibingga 5:14

Ambi eeriyak nduk, inamendek alom warogo patemenggaarak nogo lek age, Eeremenggaarak me, Inapuri ndaganabemenggaarak nogo yate ambiriluk ambi wogoroorak lek age menggerak.

Yetaya 55:2

Mbi abe mendek lek kagak nonggop nduk yi mendek ndi mendek kunggo'net nugwi, Yabu liirit-laarit eeppunuk, Op togon kunggolagi, yinuk, iniki ndonggo yuurak lek kagak nonggop nduk yabu eerit nugwi, Eeko agaarik o? Inaruk logowak o! An yorage yi, inaruk konenggwi iinok, It yi mendek ndi mendek ombat abe mban nunggwi, Yi mendek ndi mendek amburu warak nenok, inale'nggen eeginaburak kogo menggaarak nogo mendek mban nunggwi, Eeko logogun o.

Lukat 12:26

Togop eekkinabigin lek me, abu mbuuluk eeriyak mendek ti, eeriyak meek kogotak kenok, iya eeriyak mendek ti, Nonggop eeri? yinuk, kiniki piirik ogotik?

Lukat 12:29

Togop me, Ninambi-ninagi nano namun? yinuk, kiniki koonit nugwi ti, mage o. Kiniki piirik logogup o.

1 Korindut 7:31

ndi, kit nggween paga yi mendek ndi mendek waganggwi, onggo nggerenggologwe, eekwi nogo ti, kiniki kundugu lek negen eeppunuk, wonogwe, eeko logorak kinombakirak nogo ti aret yokkiragi o.

Yakobut 4:14

Kit ko'lu eekkinaburak nogo, kineenggo'lek logonet yogwe kiigi o. Nineenik wonogwe nogo ti, laago aagi pogom aret o. Laago aagi nogo ti, ne ambit lagangge ninigen kogootak kwe, lek age menggerak kokwak ti, nineebe togop aret ee'ninake menggerak o.

Yakobut 5:3

kinawu mbuti emas inom, perak inom, ogobakkigirik nogo ti, muk yi'mbaani kunit nage, eerogo pegerak agaarik o. Kinawu yi'mbaani kunogo pegerak ti paga kit nggilimi negen kumaappatogo wonogogutak nogo kin arigin o. Ndi, yi'mbaani kunogo pit nage menggi kwak, kit kinagabolo togop aret kani nen nenet nagin o. O age yobok paga eeppinani woroorak nogo abu panggoni wage kagak kwe, yi mendek ndi mendek kiniki kundugu kuwak eerogo pako nogogutak me, kinenggali nen leenggu maakkologo logomunggup o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.