Ndawi 39:1 - Ala Wone Peenok Peebi Mbanak

¹ An nen mbake logonet, “Noone agan nage paga maluk arukwak, Eeke minggirak nogo liippake, It maluk eeka nowagam wa'nuk wonogwe iigak, Tapi inambe keele maakwi kwak, An nambe arum wakkolage, Eerikit,” mbakirak kwe,

Ndawi 39:1 ပူးပေါင်းရင်းမြစ်များ

1 Endagembogut 2:4

ndi, at Aliku ALA nen an eeriyak wone abuk nggaruk togon yo'nege logonet, Kat kapuri-kombowologwe nen it eerit nugwi nogo liippunuk, iniki inom, ineebe inom, abok aret noba panggombunuk, wone an yorage nogo ndak-ndak liirogon aret eekwi iinok, it Iterali inoweewi inendagembogut logonet, wone lengganogo yorogo menggam aap alik ambi mi'narigin lek kapuri-kombowologwe mban aret kobaane'me mi'narit wundi wogo logogun o, yinuk, yo'nereegerak nogo a'me nggelok ari, eeke kaamunggun o.

2 Endagembogut 10:31

at Yeku nen eeko logorak Aliku Iterali inogoba Ala wone yugu nogo iniki panggombunuk, liirogon eerit noolik. Yerobeyam nen maluk eerit nage nagagerak paga Iterali maluk eerit nogo nogogwaarak nogo, at Yeku kunduk ndak-ndak eerit nage nagagerak.

1 Mbinineegwaarak 16:41

it aap ti, yeenggwaarogo logowak nduk, aap Keman inom, Yerutun inom, it aap ndawi wako logonet, “At aakumi inabuwa nen iniki kunik aganake nogo ti, Lek ageelik mondok aret wonage menggerak o,” yinuk, Aliku ALA wa! yogo logowak nduk inendage kunogo piyareegerak nogo, inom piige,

Ayup 2:10

Yoreegerak kwe, Ayup nen akwe nogo yoge logonet, “Kat kumi kumiligwe nen yogo mengga kwak ari agandik o. At Ala nen nit obeelom eeppinanege kenok waganggwi, ndi, maluk mendek eeppinangge kenok mbo pugwi, eeriyak nduk ari agandik ya?” yinuk, yoreegerak. Ti abok aret oba age kagak, Ayup nen wone ambi yereegerak paga maluk ambi eerulik aret o.

Ndawi 119:9

It wologwe tawe nogo, nano eekwi paga Maluk eeka'lek inobaabut obeelom mban logorak mbakop? Lek o. Koone yugu ndak-ndak eekwi paga nen aret o!

Ndawi 141:3

Kaliku ALA wae. An nambe liirogon arum wonage, Nambe irip paga agan nege neyo, unde wake, Eeke logot o.

Ndawi 34:13

Togop aret mbakwi kiinok, Kinoone maluk mendek kinambe paga wunabi wogwe, Wone pilit kinamili irip paga wonok nugwi, Eekwi kiyo, Tum liirogon wakwi,

Ndawi 62:1

Nagap ndaka ti, Ala aret me, At nen mban eeppaniyak niniki lunik logonet, Niniki ugun tayenak aret agarik o.

Ndawi 77:1

At Ala nen yeenggwa niruwak nduk, tamban eeke, Aruk konenuwak nduk, noone nggwok paga yoge,

Kini Wuppiige 18:21

Inoone agan nugwi ti nen aakumi ineenik eerogo piige, inoorogo piige, eeke menggerak me, It aap inoone agan nugwi inikilom mbakwi ti, irip paga inoone yemenggaarak onggo ndak-ndak aret kologo logogun o.

Kini Wuppiige 21:23

Aap ambi nen maluk oba age kero, ambe inom, oone agan nage inom, liippunuk arum wonage paga At eebe aret ili yikkolage menggerak.

Amot 5:13

It aap iniki warak nogo nen, “Inowak loonggwi eyom ti, maluk ariyak eyom aret me,” yinuk, Inoone ambi yaga'lek puk aret menggaarak o.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.

Yakobut 1:26

Kit ambi nen, “An Ala wone liippunuk eeke agarik o,” yinuk, yogo monggotak kwe, kinambe liirogon arum wonaga'lek kinamili irip paga ugun agan nugwi kiinok, kit aret kinambokan laganggologwe, ndi, “An Ala wone liippunuk eeke agarik o,” yogo monggotak nogo ti, aanom warogo aret yogwe, eeko monggotak kiigi o.