Ndawi 38:4 - Ala Wone Peenok Peebi Mbanak

⁴ “Maluk nonggop eeki?” yinuk, Koonit unggwage paga niniki ndugu agan wangge, Yi mendek ndi mendek aaninggin me, Piyakkoorak meek kogwe nogo kwak ee'nake,

Ndawi 38:4 ပူးပေါင်းရင်းမြစ်များ

Etara 9:6

yoge, “Nogoba Ala o. Ninomaluk ambik lombok ninoba luurik wonage, ndi, ninomaluk eekoorak ti, mbogut kuli aret ari lagangge, eerak wonage paga niniki andi lombok logonet, nenggali mbakak kat nogoba nenggaawak pilarogon pekkeyoorak meek ee'nake o.

Ayup 33:19

Ndi, it aakumi ando perak, Nogo yogo menggam andi yagan wakwi wonogwe me, Ala nen iniki koonogo piyaakit nduk, Inowa'na nenet unggwage kagak

Ndawi 107:17

It ando iniki lek wi negen logonet, “Ala eeriyak mbake nogo nineebi,” mbakwi paga andi-pandi aganake, Maluk eerit nugwi paga aaninggin-paaninggin inoba kwi'nage,

Ndawi 40:12

Aaninggin-paaninggin mondok iya neenggi lingginiyak meek nogo mendek Noba ninggirik wonage, Nomaluk noba luurik-maarak aago wonage me, Nanobak pila yinuk pe'nariyak meek ee'nake, Eeke agarik o. Neeruwak neenggi lingginiyak op negen kwe, Aaninggin noba wonage nogo perak, Lingginiyak meek aret me, meek tit ee'nake o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Leendawi 1:14

An maluk noba luurik wonage nogo, Aliku ALA nen ambit lambunogo keele maarogo pege, Eyo aaninggin tapi uut paga pugu kwak, eerogo pege, Eeke nagagerik, Nuut paga kwippaneegerak wonok nege logonet, nomaawi lek aret aga o. An neebe waganogo it an nen tebenogo piyoorak meek nogo mendek ineenggime paneegerak o.

Ala Unde 7:18

Mbanak nogo, nogo mbere yinuk, nunggwi iinok, maluk aret aremenggerak me, nake warak ti, an wagangge, ndi, Ndogop eeppinanuwak o, yinuk, nake pemenggaarak nogo an nen eeppiige, eerigin lek o. It inobaalombok aret eekkolamenggaarak me, aaninggin ti, it inoba aret logowak o.

Matiyut 11:28

Kit wone yugu eerit nugwi paga kiniki aaninggin wonage, anggon-panggon eekkinake, eeke yi, an nen kiniki yanggongginabikit nduk, nowagam wa'nip o.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.