Ndawi 38:20 - Ala Wone Peenok Peebi Mbanak

²⁰ An obeelom eeppiige onggo maluk mban eeppanugwi, Obeelom eeriyak mugurok nage neenok, Inawim negen eerogo panugwi, Eeko agaarik o.

Ndawi 38:20 ပူးပေါင်းရင်းမြစ်များ

Ndawi 142:7

An nen kat kendage tiyappege logokit nduk, Keele maarak negen wonageme wondet eerogo wumbanege, Eeke logot o. Kat nen togop aret an obeelom eeppanege keenok, It iniki abe koonak nogo an nowagam wogo logogun aret o.

Ndawi 25:19

It nawim nogo ineebe ambik aret ogwe, Ineebi lombok nombakwi, Eekwi yi, pegiyet o.

Ndawi 35:12

An obeelom eeppiinet nage minggirak nogo Onggo negen it nen maluk eeppanugwi, Eekwi paga Niniki abu aaninggin ndugu agan nage agarik o.

Ndawi 35:19

Alom lek kagak, it ninom wim mbanak nen, “Op togon eeppogo a!” yinuk, iniki wogoppakwi, Alom lek kagak ineebi nombakwi nogo nen Maluk eeppanuwak nduk, inogobak tinggin yogwe, Eekwi iyo, Non mbanogo piyet o.

Ndawi 7:4

At nimbirak niniki ugun wonogwe nogo maluk eeppege, Alom lek kagak, at tebembaniyak eeke nogo, Amendek ambi kiraakkolage, Ee'netak en,

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Matiyut 5:10

It obeelom lombok eekwi iinok, aakumi nen piyak-payak aganako menggaarak nogo ti, At mbogut paga mendek abu'me piyoorak it aret me, Iniki ale'nggen aret mbako logowak o.

Yaya 10:32

Waganggo mbareegwa, Yetut nen it yorage logonet, “An obeelom eeke logorak nogoba nen yo'nereegerak nogo kit kaabagip nduk, apit aret eeke nagarak kwe, ngge eekirak paga kit yogondak yugum paga an nooriyak nduk, eeko ogotik?”

1 Peterut 3:13

Kit kiniki aganggen kerek togon obeelom eerit nugwi kiinok, ta nen maluk eeppinagarak mbakop?

1 Yaya 3:12

At Kayin nen eereegerak nogo pogom, kit togop eeriyak mage o. Maluk eeriyak ee'ninake menggerak aput at aret me, awuluk mondok wareegerak. Nonggop nduk awuluk wareegerak mbakop? Lek o. At Kayin maluk mban eeke menggerak me, awuluk obeelom mban eeke kage nagagerik, anini nen aret awuluk wareegerak.

1 Tamuwen 23:12

Yoge mbareegi, at Ndawut nen Aliku ALA ambinom yoge logonet, “It aakumi Kekila mendek nen an neebe inom, an nawuri inom, Tawun eenggime pugun ilik, lek a?” Yoge mbareegi, ne ambinom Aliku ALA nen wone onggo yoge logonet, “Kineebe eenggime pugun aret o,” yinuk, yoreegerak.

1 Tamuwen 23:5

Yoge mbareegi, at Ndawut awuri inom o Kekila unggwi nogo nogogwaarik, inom nambuko logonet, aap Pilitin mendek mondok iya lombok inoorogo piinok, inaanggumi kugun ko'nok wogwe, ndi, aakumi o Kekila mendek nogo inagap ndake, eereegerak.

1 Tamuwen 25:16

nit ninaanggumi ndomba-kambin ndegeninakwi niigak, o liingge-kii'me it nen pak wurik negen eerogo pinaninuk wonagaarak me,