Ndawi 38:12 - Ala Wone Peenok Peebi Mbanak

¹² It nenggaawak lek eerogo paniyak mbakwi nen Keele pogo mengga kwak ee'nakwi, It maluk eeppaniyak mbakwi nogo nen, “Nonggop eerogo lek eeppuwok o,” yinuk, yogwe, O kubondendok nen nok oonikiya ari wage kagak, Nambokan laganuwok nduk, kote wone koonogo pugwi, Eeko agaarik o.

Ndawi 38:12 ပူးပေါင်းရင်းမြစ်များ

Ayup 19:13

Nowe-nawot nen an mbo paninuk, mbaganuwak nduk, eeppiige, Eekerak o. It ninom minggirak nen aap nggiru kwak eerogo panugwi,

Ndawi 10:9

Singa nen at noorak mendek wage kero, Iri'nggaame kumaarak tokkage menggi kwak It inagap ndakkoloorak meek mendek nogo piginabuwok nduk toriigwi, Wogwe iinok, inageele pugume nggelenak me, pigiren nogwe, Eeko menggaarak.

Ndawi 119:110

Towe yilunnaruwak nduk, keele pogo mengga kwak, It aap maluk mendek nen an togop eeppanugwi kwe, Eeko logorak koone yugu nogo An mbo punuk nomoninuk nageelik o.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 141:9

It an nooriyak nduk, keele pegam nggerok ari, It aap maluk eeka nen ta'na kwak pegam nogome nggelok yi nage, Eerukwak, An pippanogo logot o.

Ndawi 31:12

Aakumi kanggwi iinok, inoba aberak lek mengga kwak, An noba abe'naka'lek kobak eerogo panugwi, Niyoowak yigirik mbo pugwi kwak, An togop aret mbo panugwi, Eeko agaarik o.

Ndawi 35:20

It aap ti, aakumi inom iniki ambit lambunik logowok nduk, Agan nugwi lek o. Ata, it aakumi iname ugun wonogo menggaarak kwe, “Ndogop eekotak o,” yinuk, Inoone pilit lombok agan nugwi,

Ndawi 35:4

It an nooriyak mu'neren wogwe nogo inenggali ogwe, “Ineegin tebek yegerak kayik a!” yinuk, yogwe, Eeruwak o. Nendage maluk eerogo panuwok nduk wone mbanit nugwi nogo Iniki kobak a'nuk iniyokan yungguninuk nawak o.

Ndawi 41:5

It ninom wim mbanak nen Ineebi lombok nomba'nuk yogo logonet, “At endage lek logowak nduk mbet kambiyok!” Yinuk, yogo agaarik o.

Ndawi 54:3

Aap inambik nen pilak yogo logonet, nookwi, Aap kayuk wuka'lek inogogun worokot nen nenggaawak lek eerogo paniyak nduk eekwi, Eekwi me,

Ndawi 69:9

Togop aret kwe, kawi wurik nogo op logowak nduk, Niniki aganggen kerek togon eerit nage paga Niniki lek ee'nake kagak, Kat meek eerogo pagagwi nogo an noba aret age menggerak.

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Kini Wuppiige 19:7

Aap eenggi lek nogo owe-awot abok aret ineebi ombako menggaarak me, Oreewi kunduk, abunuk mbo punuk mbaganggo menggaarak. At nen, “Yeenggwa ni'nip ubi!” yinuk, muguren nage menggerak kwe, Ineenggi-iniyok lek aret iige menggerak.