Ndawi 38:10 - Ala Wone Peenok Peebi Mbanak

¹⁰ Niniki ponok-ponok ee'nake, Nomaawi lek ee'nabit unggwage, Nenegen ogut eerogo panege, Eeke agaarik o.

Ndawi 38:10 ပူးပေါင်းရင်းမြစ်များ

Ndawi 119:123

Kat nen an nagap ndari wage, Wone abe liirogon koonogo pereegindak nogo A'me nggelok togon eeppani wage, Eeke logonok nduk, Nenegen tit neegak, An nenegen andi ee'nake agaarik o.

Ndawi 31:10

Niniki wakko'net unggwage logonet, Neebe kambuurak aret ee'nake, “Yi ee'nabit unggwage, ao,” mbake neegak, Neenik logorak eyom aret lek ari nage, Maluk eekirak paga nomaawi lek ee'nabit unggwage, Nowa'na nenet unggwage, Eeke agaarik o.

Ndawi 42:1

At rusa nen, “Tat wake logonet niyome unggwi naakit lak, ao,” Mbake menggi kwak, An niniki togop aret, “Kat Ala, ao,” yinuk, mbake minggirak.

Ndawi 6:7

Niniki puru ari logonet, Le ari paga nenegen agap piirogo panege, Ninom wim mbanak wogwe iyo, nenegen wonage neegak, Nenegen yumaak eerogo panege, Eeke agaarik o.

Ndawi 69:3

Togop ee'nake kenok, yeenggwa niruwak nduk, an noone nggwok mban ari neegak, Neebe ndeyak eerogo panege, Namili mbuk eerogo panege, Yeenggwa nirenok nduk, nogoba Ala pekkeegak mban eeke neegak, Nenegen andi eerogo panege, Eeke agaarik o.

Ndawi 88:9

Andi-pandi nen le ari paga Nenegen agap piirik wonage agaarik o. Togop aret me, Kaliku ALA wae. O kubondendok nen o kiyoma ari nage kagak, Noone nggwok paga yokkege, Neenggi kat Ala wonage me nippunuk wonage, Eeke agarik o.

Yetaya 21:4

“Iya!” yinuk, niniki lek-lek ee'nake, nagabiti nen naganak wake, Eeke kenok, Nogo yikit nduk, o mbet-mbet kiip aruwak lak, ao, mbake minggirak nogo, Yogondak o kiip ari wage paga nagabiti nen namineeri ne agan nage agaarik o.

Leendawi 2:11

An nanebunu mendek inenggaawak lek ogwe, Inapuri wologwe komologwe inom, elege ngget ndarak inom, o kota tu paga tu paga time inambuluk pit nogwe, Eekwi ti paga Le ari logonet nenegen piirogo panege, niniki andi lombok ee'nake, niniki awi lik-lek eerogo panege, Eeke agaarik o.