Ndawi 37:5 - Ala Wone Peenok Peebi Mbanak

⁵ Kit eeriyak koonggwi nogo Abok aret waganogo Aliku ALA wogogwi, Kiniki at paga panggombunuk wonogwe, Eekwi kiinok, At nen eeppinagage kaamunggup o.

Ndawi 37:5 ပူးပေါင်းရင်းမြစ်များ

Wakkagagerak 24:12

Ti eeke nagagerik, at Abarakam ayeloman nogo nen tamban eeke logonet, “Kaliku nogoba Abarakam ogoba Ala wae. An eerikit nduk, wagarak nogo nogoba Abarakam abuwa mbake logonet, yogondak aret a'me nggelok yuwak nduk, koonogo panu o.

Ayup 22:28

Eeriyak koonogo pemenggendak nogo, ndak-ndak aret ari nage, Kat nage keegak karu eya eerogo pagage, Eeke logogin o.

Ndawi 22:8

“At iniki Aliku ALA oba panggonak wonage me, Aliku ALA nen aret ili ari, Ndi, at iniki kunik wonage kenok, Agap ndarogo pege, Eeruwak o,” yinuk, yogwe, Eeko agaarik o.

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Kini Wuppiige 16:3

Kit eeriyak koonggwi nogo abok aret Aliku ALA wogo'nuk wonogwe kiinok, Kit koonggwi nogo abok aret a'me aret age kaamunggup o.

Wone Alom Kibingga 9:1

Iyareegirak nogo abok aret ninikime koonit nage logonet, “It aap iniki abe koonak iniki warak ineebe inom, eeko menggaarak inom, abok aret Ala eenggime wonage me, ninabuwa nen wo'ninabigin ilik, eebi nen mbo pinanigin a? nit aakumi nen nineenggo'lek aret wonogo monggoorak.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Matiyut 6:25

Ti kenok, kit nen, Nineenik logorak nduk, ninagi-ninambi nano namun? Ndi, nineebe op logorak nduk, ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o. Nonggo monggotak ti iya, ndi, kineenik logorak ti, meek mbakop? Ndi, yikkologo monggotak ti iya, ndi, kineebe op logorak ti, meek, mbako logonet, kiniki piirik ogotik? Lek o.

Lukat 12:22

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

Yakobut 4:15

Kit nen yogo logonet, “Ninogoba nen koonogo yo'nirage kenok nineebe op logonet, Yogop eeruwok, ndogop eeruwok,” yogo logorak perak op o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.

1 Tamuwen 12:4

Yorage mbareegi, it aakumi nogo nen wone onggo at yogo logonet, “Abu lek o, ninogoba. Kat nen wi-wi eeppinanege, tebenogo pinanege logonet, koone omaawi yo'nirage, ninamendek ugun wagangge, togop abu eeke logolik o.”