Ndawi 37:38 - Ala Wone Peenok Peebi Mbanak

³⁸ It aap maluk eeko menggaarak nogo perak, Ineebe lek eerogo piyaagin aret me, It aap maluk mendek ti, inapuri wigannarugun lek Inenggaawak lek aret logogun o.

Ndawi 37:38 ပူးပေါင်းရင်းမြစ်များ

Ndawi 52:5

Togop eerit nege menggendak me, Ala nen kat mondok lek eerogo pagage, Kawooliyana nen pippaganuk, nigogo wumbagage, Eyo alom kinogo nappogo mengga kwak, O nggween paga aakumi wonogwe inenggela'me nen Kat togop aret eerogo pagage, Eerigin mbake logot o!

Ndawi 73:17

Togop ee'nakerak kwe, Ala awi alik leenak menggim unggwi nanuk wonage logonet, It maluk eeka nen eerit nogwe iinok, Irip paga eeppiyoorak koonak nogo liippigirak o.

Ndawi 9:17

It aakumi maluk eeko menggaarak nogo ti, Kambunuk nogo menggam unggwi nogwe, Ndi, yi aakumi ndi aakumi Ala mari eerogo pugwi nogo kunduk, Tu time aret nogwe, Eeko menggaarak kwe,

Kini Wuppiige 14:32

It aap maluk eeka nen maluk eerit nugwi paga it ineebe aret nggelenggologo menggaarak kwe, Aap iniki abe koonak nogo perak, kambemenggaarak kwe, obeelom eerit nugu logomenggaarak me, ineebe obeelom aret logogun o.

Matiyut 13:30

Anggen mbaniyak eyom awo me, imbirak lagangge logowak nduk, teppinip o. Ndi, anggen mbaniyak eyom panggoni wage kenok perak, an nen it anggen mbanggo menggaarak nogo yorage logonet, Iri'ngga maluk mendek ti, kani nawak nen aa'nduk kinogo keele maakwi, ndi, gandum kenok kuwak eerogo an pege minggim time pugwi, eeko logowak nduk, yoraagin, yoragagerak o,” yinuk, yoragagerak.

Matiyut 25:46

yorage logominggirik, it aap nogo, inomaluk onggo mondok-mondok yagan wako logowak nduk, nappiyaagin kwe, it iniki abe koonak menggaarak nogo perak, ineenik mondok-mondok logowak nduk, eeginabigin o, yinuk, yoraagin,” yoragagerak.