Ndawi 37:34 - Ala Wone Peenok Peebi Mbanak

³⁴ At Aliku ALA tokkogwe, “Tu yi paga nawak,” mbake nogo mugurok nogwe, Eeko logonip o. Ti eekwi kiinok, o yi, yate negen Unde eekkolaabagip nduk tiyappinagage, Kit kinigen kiigak, it aap maluk eeka nogo lek eerogo piige, Eerigin o.

Ndawi 37:34 ပူးပေါင်းရင်းမြစ်များ

Ayup 17:9

Aap iniki abe koonak wonogwe nen it mugurok nogwe nogo aret mugurok nogwe, It aap maluk inikime kumaapporogo wonogolik kenok, iniki kole arit unggwage, Eeko logogun o.

Ndawi 112:8

Iniki nu'lek agabiti mbaka'lek logonet, Inom ogoorak tebenogo piyoorak mbake nogo Tebenogo piinet nage logogin o.

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 25:13

It aap ti, abe mendek mban kologo logonet, Iniki ale'nggen paga wonogwe, Ndi, it paga wiganak nen o nggween yi, ineyate kwak unde ogwe, Eeko logogun o.

Ndawi 27:14

Togop aret me, Kit nogo Aliku ALA tokkogwe, Kinogogumbuk eekkologwe, Kiniki nu'lek eeppatinuk wonogwe, Eeko logomonggotik, At Aliku ALA tokkogo logonip o.

Ndawi 37:3

Kiniki Aliku ALA oba panggombunuk obeelom mban eekwi, Ndomba inikilom paga iri'ngga mili nenet nugwi kwak, Kit togop aret o nggween yi paga wonogo logonet, Abe wone mban mugurok nogwe,

Ndawi 37:7

Togop aret me, Aakumi nen eekkoloorak mbakwi nogo aret eekkologwe, Ndi, aap inambokan laganiyak koombunuk, Inambokan aret laganggwi, Eekwi iinok, Kinanini age ti mage o. Ata, kiniki aan aganggenggwi lek puk aret wonage, “Aliku ALA nen eeppinanigin o,” yinuk, tokkogwe, Eeko logonip o.

Ndawi 91:8

Ata, aganakwi nogo kenegen mban liippiige, It aap maluk mendek onggo eeppiige nogo Kat kenegen mban kage, Eerumunggun o.

Ndawi 92:12

Eyo nggabu engga mili lagangge menggi kwak, Eyo nggabina Libanon mendek mili kwit agan lagangge menggi kwak, It aap iniki abe koonak nogo togop aret logogun o.

Kini Wuppiige 16:17

It aap iniki koonak nogo eerit nogo logonet, maluk kenok, ogole nen mbaganggwi, Ndi, it aap liippunuk eerit nogwe nogo ti, iniki aret liirogon unde wakkologwe, Eeko menggaarak.

Kini Wuppiige 20:22

“Maluk eeppanggendak onggo eeppagagin aret o,” yinuk, yuurak ti mage o. Ata, Aliku ALA nen onggo eeppuwak nduk, tokkage logot o.

Kini Wuppiige 29:16

Aap maluk mendek nen inendage nggwok arit lagangge kenok, maluk wigak ari menggerak kwe, Aap iniki abe koonak nogo nen it aap maluk inendage lek arit wangge nogo inigen iigo logogun o.

Yetaya 57:13

Yeenggwa niret o, yinuk, inoone nggwok paga yogwe iinok, inagugiwak kuwak eerogo piigaarak nen aret inagap ndaruwak o! Inagugiwak ti, o wiya nen wonok nage, ambe aagi paga wogoren nggarek ari, eerigin kwe, It aap ineebe op logowok nduk, nabu'me ari wogwe iinok perak, Yate kwak o nggween yi kologwe, Nabuut alik leenak yi, it unde eekkologwe, Eeko logogun o,” yinuk, yegerak me, yokkiragi o.

Matiyut 24:13

Togop aret arit wage kagak kwe, kiniki kwi'ndak nu'lek kiigak, o age yobok yi wage kenok, kinagap ndarigin o.

Lukat 14:11

Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.

Pelaareegerak 5:33

O kit unde a'nuk logowam time logonet, yi wone ndi wone ambi kinoba aga'lek kineebe kineenik ambinom logomonggotik, li a'nuk kanggo logomunggup nduk, at Aliku kinogoba Ala nen wone lengganogo yokkiragagerak ti, abok aret mugurok nogo logomunggup o,” yinuk, yoragagerak.

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.

1 Peterut 5:6

At Ala nen, “Ne ti eyom paga tiyappiyaakit o,” yinuk, kooneegerak nogo a'me lik yi wage kenok, tiyappinagawak nduk, at omaawi ambik menggerak Ala nogo abu'me tebe yinuk, logonip o.