Ndawi 37:26 - Ala Wone Peenok Peebi Mbanak

²⁶ Iniki abe koonak ti, iniki ndoobu logonet, Inawu luulu wogorogwe nogo, “Oba lunogo wo'niroorak o,” yoraga'lek, “We aret porogo logonip o,” yinuk, yorogwe Iige minggirak me, inombowologwe paga Aakumi obeelom eeppiiga aret arugun o.

Ndawi 37:26 ပူးပေါင်းရင်းမြစ်များ

Ndawi 112:5

Aap ambi iniki ndoobu wonage, “Namendek luulu porogo logonip o,” yinuk, wogorage, Yi eekak ndi eekak eerit nage logonet, ndak-ndak aret kolage, Eeke menggerak nogo Ale'nggen aret wonage logogin o.

Ndawi 112:9

Ineenggi lek iinok amendek tumburiranet nage, Obeelom mban eeppiinet nage nogo kobak arigin lek mondok aberak wonage, At obaabut abe kenok endage tiyappugwi iigak, at engga teeluk nege, Eeke logogin o.

Ndawi 37:21

It aap maluk mendek nen, “Kamendek luulu waganggi o,” yorogo nagaatik, Iyokan wogorogolik mbo pugwi, Ndi, it aap iniki abe koonak nen perak, Inabuwa nen iniki ndoobu paga wogorogwe, Eeko menggaarak o.

Kini Wuppiige 20:7

Aap iniki abe koonak nogo nen maluk eeka'lek abe mban eerit nage logomenggerak paga Obaane'me apuri wiganak nogo inale'nggen aret mbako logogun o.

Kini Wuppiige 21:26

At iniki nen nenet nage kagak, o kubondendok nen nok, oonikiya ari nage menggerak kwe, Aap iniki abe koonak nogo perak, wogogwi nogo kuli pega'lek kuluk aret wogorit wundi wogo menggaarak.

Yeremiya 32:39

It inom, inapuri ndaganabemenggaarak inom, obeelom mban wonogo logonet, an paga mondok-mondok inagabiti mbakwi, ndi, iniki ambit eeppunuk, eerit nogwe, eeko logowak nduk, eeppiyaagin o.

Matiyut 5:7

It aakumi inoreewi inabuwa nen eeppiigo menggaarak nogo ti, Ala nen it kunduk inabuwa nen eeppiyaagin me, Iniki ale'nggen aret mbako logowak o.