Ndawi 37:18 - Ala Wone Peenok Peebi Mbanak

¹⁸ It aap maluk inoba lenggenggulik nogo “Ne ndi paga eeppiyoorak,” abok aret Aliku ALA eenu menggerak me, Ineyate kwak wogoroorak nogo ti, Mondok-mondok aret logogin o.

Ndawi 37:18 ပူးပေါင်းရင်းမြစ်များ

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 16:11

An neenik logokit nduk, “Tu yi,” yo'nege, Kat kenggaanom paga nale'nggen nggwok lombok kaakit nduk, eeppanege, Ndi, kat keenggi abe paga wonage neegak, mondok-mondok nale'nggen mbariyak mendek eeppanege, Eeke logomunggun o.

Ndawi 21:4

“Neenik logorak eeppanu o,” Yinuk, yokkege kenok eeppege, “Neenik nggorek mondok-mondok logokit nduk, Eeppanu o,” yinuk, nggino yokkege kenok eeppege, Eekendak o.

Ndawi 31:15

An ee'naburak koonak nogo ti, Kat keenggime wonage agaarik o. Nawim ineenggime nen ndinnake, It mu'neren wogwe nogo mugogo nappiige, Eeru o.

Ndawi 31:7

Kat nen andi-pandi eerogo panugwi nogo neege, Ee'nakwi paga yagan wake nogo liippanege, Eekendak me, An niniki ale'nggen mbake, Kiniki kunik ee'nake kenok, Nale'nggen nen ndawi wake, Eerigin o.

Ndawi 37:13

At Aliku ALA nen Aap maluk eeka inenggaawak lek ariyak eyom abu panggoni wage at eenu wonage me, Inagi'ndok kangge menggerak o.

Ndawi 49:5

An maluk eeppaniyak eyom ari wage kenok, It aap maluk eeka nen ineenggi warak paga iniki panggombugwi, “Nineenggi warak me,” yinuk, wogoppatit nugwi, Eekwi nogo nen Inoone yanggok-yanggok agan wangge'nakwi iinok, An nonggop togon nagabiti mbariyak? Lek aret o.

Ndawi 73:24

Tu abe paga naakit nduk, naruk wake, Eeke logomenggendik, Kat tiyanak menggenom nimbirak logokit nduk, wo'nabumunggun.

Kini Wuppiige 2:21

Aap iniki koonak nen o nggween yi paga wonogwe, Ndi, aap maluk inoba lenggenggulik nogo O yime ye mbambatinuk wonogwe, Eeko logogun kwe,

Yetaya 60:21

Ti ari nage kenok, aagalogwe abok aret iniki abe koonak ogwe, Ndi, nggween ti nogo, unde eeppatinuk mondok-mondok wonogwe, Eeko logogun o. An abu tiyanak, Wi! nugwi nogo aakumi inigen neego logowak nduk, neenggi lombok paga nen agarip ambi luurogo yareegirak it aret me,

Matiyut 6:32

It aakumi endekem mendek nogo nen ti mendek abok aret kwaarit nugu menggaarak kwe, Nit ti mendek lek o, yinuk, uugwe mbakwi nogo kit kinogoba mbogut paga mendek eenu menggerak o.

Oroma 5:21

Maluk eerit nogo nogogurak paga kanggwi alom ninoba wigak yereegerak nogo ndak-ndak, yogondak ninowe Yetut Keritut nen eereegerak paga obeelom agago pinaninuk, mondok nineenik logowok nduk, Ala iniki kunik nen eeppinanege menggerak wone nogo ninoba wigak yereegerak wonage o.

Oroma 6:23

Maluk eekwi onggo ti, kanggwi aret kwe, at Ala nen onggo lek we wo'niragagerak ti, ninowe Keritut Yetut ninom kunik logonet, nineenik mondok-mondok logorak ti aret o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

1 Yaya 2:25

Nit ee'ninaburak Ala nen koonogo pereegerak nogo ti, “Kit mondok-mondok kineenik logobagip nduk, eekkinabigin o,” yinuk, yo'niragagerak ti aret o.