Ndawi 36:3 - Ala Wone Peenok Peebi Mbanak

³ Inambeme nen wungge nogo ti, Abe lek maluk mban aret wungge, Ndi, inoone agan nugwi ti, Pilit wone mban agan nugwi, Eeko menggaarak. Iniki warak nen eekwi, Obeelom ambi eeriyak mbakwi, Eekulik aret o.

Ndawi 36:3 ပူးပေါင်းရင်းမြစ်များ

2 Tamuwen 22:22

Nogoba Ala mbo punuk maluk eerit naga'lek Aliku ALA eerit nage mban mugurok nage,

2 Mbinineegwaarak 20:32

At ogoba Ata eerit nage nagagerak nogo, ambi mbo puulik Aliku ALA enegen kagak, obeelom mban eeke nagagerak kwe,

Ndawi 10:7

Inikime maluk mban yagabit aago logonet, Aakumi pulunogo piigwi, Pilit wone yoranet nugwi, Aakumi inagabiti mbaruwak nduk yorogwe, Eeko menggaarak. Ndi, inoone maluk mban wundi wage logonet, maluk eeriyak mban koonogo pit nugwi, Aakumi ale-pale eerogo piyoorak mban yogwe, Eeko menggaarak.

Ndawi 125:5

Ndi, it aap obeelom eekwi nogo mbo punuk, Nomo agan tu alik paga nogwe iinok perak, Aap maluk eeka inenggaawak lek eerogo piige logonet, It inom aret lek eerogo piige, Eeke logot o. It aakumi Iterali iniki ugun tayenak aret logowak o.

Ndawi 140:3

Waalo aakumi inooka kwak logonet, Inamili irip paga wone agan nugwi, Waalo muuru eyak inooketak kanggo mengga kwak, wone agan nugwi, Eeko menggaarak.

Ndawi 5:9

It inoone yogwe nogo abe ambi yogwe mbakulik o. Inikime obari maluk mendek mban yagabit aago wonage, Inale'lok ti, aakumi nggween taanak ambe paganak a aago menggi kwak wonogwe, Ndi, inoone pilit mban pugunit nugwi, Eeko menggaarak o.

Ndawi 55:21

Wam amburu anen pera aago menggi kwak, oone amburu ndik-ndik agan wage, Eeke menggerak kwe, Ogogumbuk anini ambik menggerak o. Inagabolo abe aruwak nduk, amburu eeko mengga kwak, Iniki nomonikit nduk oone yanggorogon agan wage kwe, At ari ti, Wooluwak engget mbup nggabenak kwak aret menggerak.

Ndawi 58:3

Kit aap maluk mendek yi, Nda'nogwe kuli nen aret tu abe paga nogwe lek Tu alik me nomoninuk nogwe, Kinagalomini inikime nen nda'nogo nogogotik, Wone abe yaga'lek pilit mban pugunit nugwi, Eeko monggotak me,

Ndawi 94:8

Kiniki yuundurak aakumi inenggela'me monggotak yi wae. Kit kiniki liippugwi, Kit aap kiniki lek wi negen yi wae. Mandenom nen kiniki warak ogwe, Eerumunggup o?

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Oteya 8:3

It Iterali ti, obeelom eeriyak nogo woolik mbo pereegwaarak me, It inawim nen muguren-magaren eerit nogo logogun o.

Matiyut 22:35

aap it mendek ambi Ala wone liiru mbanak unde nen Yetut abut mbanikit nduk, kin wokkage logonet,

Lukat 11:25

unggwi wage nagaatik, wundi nagagim nogome liirubu koorak ndigik-ndegek aago kenok,

Iberani 10:39

It aap wone abet mba'nuk waganeegwaarak nogo, mbo pugwi iinok, Ala nen ineebe lek eerogo piyaagin nogo mendek nit lek o. Ata, it abet mbakwi iinok, mondok-mondok ineenik logorak nogo mendek nit aret ogoorik o.

1 Yaya 2:19

It aap ti, aa'nduk ninom kuwak eeko nogogurak kwe, “It ti, nit mendek lek o,” yinuk, mbo pinaninuk mbaganeegwaarak. “It aap ti, nit mendek aret,” mba'netak en, ninom aret logonetak kwe, “It ti, nit mendek lek,” kin aruwak nduk, mbo pinaninuk mbaganeegwaarak o.

1 Tamuwen 15:26

Yoreegerak kwe, at Tamuwen nen Tawun yoge, “Kat Aliku ALA oone mbo pegendak paga at Aliku ALA nen aakumi Iterali inowe kendagembogut logorak lek mbo pagagerak me, kat an nimbirak noorak mondok lek o,” yoreegerak.

1 Tamuwen 16:14

At Aliku ALA Aberiniki Tawun oba wonagagerak nogo tayo ari kagak, kugi maluk mendek nen piyakkage logowak nduk, Aliku Ala nen oba nappi wagagerak.

1 Tamuwen 18:21

Mbake nagagerik, at Tawun nen iniki koongge logonet, “An napuluk Mikan nogo, pagi keele pugu kwak Ndawut yilinogo kolamenggerak paga it aap Pilitin mendek nen waruwak nduk, wogorikit aret,” mbake nagagerik, at Tawun nen Ndawut yoge logonet, “Aa'nduk naru ariyak yokkigirak nogo lek agaarak me, ne yogondak yi paga kat naru ariyak op aret o,” yinuk, yoreegerak.

1 Tamuwen 26:21

Yoge mbareegi, at Tawun nen ari logonet, “Ai, Ndawut naput o. An eekkabit nege nogo ti, wi negen maluk lombok eekkabit nege abet aret kagi o. Kat oonikiya yi aret nooriyak kwe, Nogoba me, wariyak meek o, nomba'nuk, teppanegendak me, an nen peebi koorigin lek aret me, niname nawok o.”