Ndawi 36:1 - Ala Wone Peenok Peebi Mbanak

¹ It maluk eeka nen maluk eerit nugwi nogo o. Ninikime lombok menggerak nogo Ambi yuurak mbakirak me, mbininogo yi o. It aap maluk eeka nogo ti, Ala inagabiti mbakwi ambi mondok lek aret o.

Ndawi 36:1 ပူးပေါင်းရင်းမြစ်များ

Wakkagagerak 20:11

Yoge mbareegi, at Abarakam nen, “An niniki mbake logonet, It aakumi yime Ala inagabiti mbaka'lek me, an nooko logonet, nakwe ndinogo wagun ilik? mba'nuk, yagarak o.”

Ndawi 112:1

At Aliku ALA tiyappogo logowok o. Aap ambi at Aliku ALA agabiti mbake, “Yogop ee'nu ndogop ee'nu,” wone yugu nogo eeke logorak inikilom lombok mbake, Eeke menggerak nogo Ale'nggen aret wonage menggerak o.

Ndawi 143:12

Aakumi inabuwa nen kiniki kunik mban aganake menggendak me, Nawim inoone lek eerogo piige, An kayeloman aret me, it maluk eeppaniyak eekwi nogo Abok aret inenggaawak lek eerogo piige, Eeru o.

Ndawi 18:1

Kaliku ALA wae. Nomaawi eerogo panege menggendak kat aret me, An niniki kunik eekkake agarik o.

Ndawi 90:1

Nogoba o. Ninombomini nda'narit wundi wogwe, Ninombowologwe nda'narit wundi nogwe, Eekwi iigak, Nineebe op logorak kabu'me unggwaga kat aret o.

Kini Wuppiige 16:6

It aakumi nen Aliku ALA iniki kunik eekwi, Yegetak liirogon mban eerit nugwi, Eekwi paga Aliku ALA nen inomaluk lek eerogo pege menggerak. Ndi, Aliku ALA inagabiti mbakwi paga maluk ogole nen mbaganggo menggaarak.

Kini Wuppiige 20:11

Wologwe inobaabut abu obeelom koonak ilik, mbakaatak kwe, It eerit nugwi paga inobaabut ineenu ogo menggaarak.

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Oroma 3:18

Ala inagabiti mbakwi, Eeka'lek aret iige agarik o,” yinuk, yereegerak liiru mbanak ti ndak-ndak, nit Yakuri mendek inom, aakumi endekem konenggulik mendek inom, abok aret maluk eeriyak mban ee'ninake menggerak yokkiragarak nogo yokkiragi o.

Pelaareegerak 34:5

Yoge mbareegi, at Aliku ALA ayeloman Muta nogo at Aliku ALA nen yoreegerak nogo ndak-ndak, o Mowap time aret kambeegerak.

2 Timotiyut 2:24

Kat ninowe ayeloman aret kenok, ndugwi pegak eeriyak ti mage o. Ata, yi aakumi ndi aakumi abok aret koone yanggorogon yorage, wone mamunirage, maluk eeppagagwi kwe, onggo yoraga'lek puk wonage, eeke logot o.

Titut 1:1

Naput Titut wae. Nit abok wone abet mbakwi nogo paga naput abe kat aret me, it aakumi Ala nen miirinabeegerak iniki abet mbakwi wone nogo wigangge, ndi, Ala ari menggerak wone nogo liippunuk, Ala apuri nen eeko mengga kwak eekwi, eeruwak nduk, an Pawulut Ala ayeloman Yetut Keritut ayonggo nappiigak mendek agago paneegerak nogo nen aret yokkiri o. At pilit ariilik abet mban ari menggerak Ala nogo nen, “Mondok-mondok ineenik logogun o,” yinuk, o yi wakkaga'lek kagak, koonogo pereegerak nogo, ee'ninabuwak nduk, niniki lunik wonogwe nogo ti, nit abet mbakwi, Ala ari menggerak nineenu ogwe, eekwi nogo paga panggonak wonage agaarik o. Niniki lunik wone ti, maan togon koonogo pereegerak kwe, “Ndiyom paga kin arigin,” mbareegerak nogo ninagap ndaka Ala nen, “At yorage logowak o,” yinuk, an yogondak abe wone yorage logokit nduk, unde eeppaneegerak nogo aret yorage neegak, nineenik ee'ninaburak wone ti inom yorage paga kenom aga o. Ninogoba Ala ninagap ndaka Keritut Yetut imbirak iniki kunik nen wokkugwi, kiniki ugun tayenak ale'nggen logonok nduk, eeppagagwi, eeko logogun o.

Titut 1:16

It aap ti nen yogo logonet, “Ala nineenu o,” yogo menggaarak kwe, it eerit nugwi paga nen perak, “Ala nineebi,” mbako logonet, yogwe yelok iigo monggoorak. Ala wone konengga'lek taganogo pit nogo logonet, obeelom ambi eekulik maluk mban eekwi me, inogole warak aret iigo monggoorak o.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

2 Peterut 1:1

At ninagap ndaka Yetut Keritut ninogoba Ala nogo nen nit obeelom eerogo pinanikit nduk, eereegerak paga wone abet mba'nuk, waganeegurak niniki kunik porogo wonogwe nogo, kit ninom ndak-ndak waganeegurak me, an Timon Peterut Yetut Keritut ayeloman ayonggo nappiigak mendek agago paneegerak nogo nen, kit abok aret wone ambi yokkira o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.

Wayu 1:1

At Ala nen yi eeriyak ndi eeriyak logonuk lek mbet-mbet eeriyak wone nogo, nit at ayeloman mini nineenu eeppinanuwak nduk, Yetut Keritut yoge mbareegi, at nen paganogo yo'niragagerak wone nogo yi aret o. Ala nen Yetut Keritut yoge mbareegi, ti'nuk, Ala ayeloman an Yaya nogo neenu eeppanuwak nduk, Yetut Keritut nen at ayonggo malayikat ambi wuppi wagagerak.

1 Tamuwen 18:22

Yoreegerak kwe, “E,” yaga'lek kenok, awuri inom yabu eeko menggaarak wone yori nawak nduk, nappiige logonet, “Kit Ndawut wonage me nogo logomonggotik, alik me yogo logonet, Kat kowe endagembogut Tawun inom, awuri inom yabu eekwi nit inom, kat eerit nage paga ninikilom kombakoorak me, kat ninaru ariyak op aret, yorumunggup o,” yinuk, wone eerogo nappiyareegerak.