Ndawi 35:8 - Ala Wone Peenok Peebi Mbanak

⁸ Aberak lek me aaninggin inoba kwi'nage, An nake yum tugunogo pit nagaarak nogo paga It aret yerek-perek eeginake, Ndi, nake nggween kabunogo pegaarak nogo, It aret yobok togon wambunuk ineebe lek eerogo pakwi, Eeruwak o.

Ndawi 35:8 ပူးပေါင်းရင်းမြစ်များ

2 Tamuwen 17:23

Ndi, at Akitoben nen wone koonogo yoragagerak nogo eeka'lek iige nagagerik, keledai amborowak paga kwi'nagak nogo ndoonogo punuk, ti paga kwi'na'nuk, at awi alom paga kota nogome aret nage nagagerik, aaganapuri koonogo piinok, alik nen enggaanok keele yilunggolagagerak kangge mbareegi, at ogoba nggween taanak me nogome aret taambereegwaarak.

Etet 7:10

Yoge mbareegi, at Kaman nen eyo aap Morekayi tugunogo puurak nduk yineegerak nogo paga Kaman aret enggaanok keele yilinogo tugumbi nogo mbareegwa, aap endagembogut anini mbake nogo teyok yereegerak.

Ndawi 57:6

An aaninggin noba luuwi agan nage me, Towe yiluk yuwak nduk, Yum tugunogo pit nogo mengga kwak, An yiluk yikit nduk eerogo panugwi, Tu paga nage me yobok togon wambikit nduk Wam labu pogo mengga kwak eerogo pit nogwe, Eekaarak kwe, Melak togon it aret yobok togon wambit nagaarak o.

Ndawi 64:7

Togop eerit nogwe iigak kwe, Ala omaale paga inoorogo piige, Abera'lek me inawinde-inobaande eerogo piige,

Ndawi 9:15

It yi aakumi ndi aakumi nen Wam labu pugu kwak nggween kabunogo pereegwam it aret yobok togon wanggwi, Ndi, keele pereegwam it aret iniyok nggerenggologwe, Eekaarak o.

Kini Wuppiige 29:1

Aap ambi aruk waketak kwe, konengga'lek ogogumbuk mban wonage kenok, Yinip-panip at eebe aret lek eerogo patigin me, aap ambi nen at obeelom eeppuurak meek aret o.

Kini Wuppiige 5:22

Aap maluk mendek nen maluk eerit nugwi ti, keele pugu kwak me, inenggaanok nggerenggologwe, Ndi, it inobaalombok inomaluk ti nen keele kwak maarogo pakwi, Eeko menggaarak o.

Yetaya 47:11

Togop kwe, aaninggin kat koba arigin nogo ti, tili paganemenggendak paga lek eerogo pake, Maluk koba kwi'nariyak nduk eeke kagak kamendek at ake wogoremenggendak paga woppake, Eerumunggun lek o. Ata, Aaninggin mendek noba arigin, mbaka'lek nogo aret yini-panip koba kwi'nage kaamunggun o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

1 Tamuwen 18:17

Togop eeko mbareegwa, at Tawun iniki mbake logonet, “Ndawut ti, an neenggi paga nen warigin lek o. Ata, it aap Pilitin mendek nen aret waruwak,” mbake nagagerik, ne ambi paga at Tawun nen Ndawut yoge, “An napuluk kolaga manggu ndarak Merap nogo, kat kakwe kolaanok nduk, wokkirigin me, an nake wim wakaa'ngget a'nuk Aliku ALA awim ti mban nambuke logomunggun o.”