Ndawi 35:7 - Ala Wone Peenok Peebi Mbanak

⁷ Towe yiluk yuwak nduk yum tugunogo pit nogwe, Wam yobok togon wambuwak nduk labu pugwi, Eeko mengga kwak, An pi'nabuwok nduk, Alom lek kagak togop eeppanegaarak me,

Ndawi 35:7 ပူးပေါင်းရင်းမြစ်များ

Ayup 18:8

Towe pigagangga keele yarak me, At iyok nen wonok eebe aret yilunggola nage, Nggwiya ndalok pugu me at aret ndalunggola wangge,

Ndawi 119:85

Koone yugu Muta liiru mbaneegerak liirogon eekulik iniki wogoppaka nogo nen Neebe yobok togon wambikit nduk, labu pugu kwak eerogo panit nagaarak o.

Ndawi 140:5

It aap iniki wogoppaka nen Nenggaanok nggerok yuwak nduk keele kote pugwi, Towe pigaawak nduk Yum mbiganogo pogo mengga kwak, eerogo pugwi, An tu nege minggim abok aret Ta'na pogo mengga kwak pit nogwe, Eeko menggaarak o.

Ndawi 25:3

“At nen aret yeenggwa niraagin o,” yinuk, Iniki kat paga lunik wonogwe iinok, inenggali arugun lek kwe, Alom lek kagak aap maluk eeppiyoorak kote negen koonggwi iinok perak, Inenggali arugun o.

Ndawi 57:7

Ala wae. An niniki abu nu'lek wonage, Niniki abu kwi'ndak lombok wonage, Eeke me, An ndawi tiyangge, kendage tiyappagage, Eerikit mbakirak me,

Ndawi 64:4

An maluk eeka'lek ugun nage neegak, Kumaarak logonet maale paga noorogo wumbugwi, An ugun wonage neegak, Inagabiti mbaka'lek yini-panip noorogo wumbanugwi, Eeko agaarik o.

Ndawi 69:4

An neeruwak ambik wonage yi kwak lek It ineebe ambik lombok nen An eekirak lek kagak ineebi nombakwi, Alom lek kagak ninom wim mbanak ineebe ambik nen Nenggaawak lek eerogo paniyak eekwi, Inamendek woolik neegak inoone omaawi paga, “Ninamendek obaane'me awi ya'niyet o,” yo'nugwi, Eeko agaarik o.

Ndawi 9:15

It yi aakumi ndi aakumi nen Wam labu pugu kwak nggween kabunogo pereegwam it aret yobok togon wanggwi, Ndi, keele pereegwam it aret iniyok nggerenggologwe, Eekaarak o.

Yeremiya 18:20

Obeelom eeppiigwi iigak onggo maluk eeppiyoorak op mbaken? Togop lek kwe, an yigeebu wanduwak mba'nuk labu kabunogo panegaarak o. Kanini inoba piyoorak mbakendak nogo nini tayo yenok nduk, kowagam mi'na'nuk, inake yokkireegirak nogo aberu o.

Yaya 15:25

Ineebi ninombakwi nogo ti, Ala nen ari logonet, Alom lek kagak ineebi nombakwi o, yinuk, yereegerak liiru mbanak nogo, a'me lik yuwak nduk, ineebi ninombako agaarik o.