Ndawi 35:16 - Ala Wone Peenok Peebi Mbanak

¹⁶ Aap maluk mendek eeko mengga kwak meek eerogo panugwi, An neenok, inanini nen ineyak nggilik maakwi, Eekaarak o.

Ndawi 35:16 ပူးပေါင်းရင်းမြစ်များ

Leendawi 2:16

Kinom wim mbanak abok aret nen yonggokkabuwok nduk, inambe a aago wonogwe, “At eeppuurak niniki lunik wonogwe, Mandenom maluk eerogo puurak tokkogwe, Eeko nogogurak nogo Muk ari wagaarak me, Ninambe me muk yonggokoorak o,” yinuk, Meek eerogo pogo logonet, ineyak nggilik maakwi, Eeko agaarik o.

Ayup 16:9

At Ala anini nen nagabolo nibinik-ndelenak eerogo panege, Eebi lombok nomba'nuk, eyak nggilik maake, Eeke kagak, Ninom ogoorak nen inigen abi worarogo panugwi,

Ndawi 37:12

It aap maluk mendek nen it iniki abe koonak nogo Maluk eeppiyoorak wone koonogo pugwi, Inanini inombako logonet, ineyak nggilik maakwi, Eeko menggaarak kwe,

Yaya 18:28

Ayam oone ari mbareegi, it Yakuri mendek inoweewi nogo nen aap Kayapat ame nen Yetut piganok aap inowak loonggo menggam gubernur wonage menggim nogome wonok nogogwaarak. O awo wigangga'lek kagak wonok nogogwaarak. Wonok nogo nogogwaarik, laago Obaga Mbo Nagagerak lakwi iinok, ugun noorak me, “Nit maluk eekkolookwak,” mba'nuk, inowak loonggo menggam unggwi noolik, endekem puk ogogwaarak.

1 Korindut 5:8

Pipuk eerak wonage me, laago nonggo logonet, roti piike menggerak mendek enggela'me punuk, larak nogo pogom, maan mendek nit abu maluk lombok ninggin-nanggin eeko nogogurak nogo kwak eeko logonet, nonggo logorak mage o. Ata, roti piike menggerak mendek pega'lek larak pogom niniki abu obeelom kikak naka'lek, Ala inikilom mbaruwak nduk eeko logonet, nonggo logowok o.

Nappiigak 7:54

Yoragagerak it wone amburu mbangga nogo inaruk konenggo nogogwaarik, inanini wu agan nage logonet, inambe mam kambumbunuk wonogwe iigak,