Ndawi 35:1 - Ala Wone Peenok Peebi Mbanak

¹ Kaliku ALA wae. It aap an tebenogo panuwok nduk wogwe yi, Kat nen it aret tebenogo piige, Ninom wim eeruwok nduk wogwe yi, Kinom aret wim eeke, Eeru o.

Ndawi 35:1 ပူးပေါင်းရင်းမြစ်များ

Nekemiya 4:20

oone nggwok eeka trompet nogo oone pu eeke konenggwi kenok, mbet-mbet ninowagam yime kuwak ari woraamunggup o. Kuwak ari wa'nuk, wonogwe niigak, Ala nen ninake wim eeke logogin o,” yinuk, yoragagirak.

Ndawi 119:154

Nawone amburu mbanogo wondet eerogo panege, Eeppaniyak koonogo pereegindak ndak-ndak Aa'nduk nale'nggen wonagagi kwak eeppanege, Eeru o.

Ndawi 43:1

Ala wae. Naana'le liirogon mbangge, Aakumi koone liirogon mugurok nogolik mendek nen inoone maluk noba panugwi iinok, Kat nawone amburu mbangge, Aap maluk mendek aakumi inambokan lagangga nogo Ineenggime nen nagap ndake, Eeru o.

Wundeegwaarak 14:14

At Aliku ALA nen kinake wim eerigin me, kit we kinoone lek puk mban aret logonip o,” yoragagerak.

Wundeegwaarak 14:25

inanggweendo nogo iyok nomonogo piige mbareegi, purok me yobo-yobo wambeegwaarak me, noorak meek age, eeke mbareegi, it Metit mendek nen, “At Aliku ALA nen Iterali inom a'nuk, ninooke me, mbo piinok, mbaganuwi o,” yereegwaarak.

Wundeegwaarak 23:22

At nen yokkirage nogo liirogon konenggwi, ndi, an yokkirage nogo inom liirogon aret eekwi, eekwi kiinok, kit kinom wim nogo ti, an ninom wim aret age, ndi, it kinom ogoorak nogo ti, an kunduk ninom ogoorak aret age, eeke logogin o.

Kini Wuppiige 23:11

Eeke keenok, It Inaana'le Mbangga ti, omaawi ambik wonage me, Inawone mbangge logonet, koone lek eerogo pagagin o.

Yetaya 49:25

Meek aret kwe, at Aliku ALA nen yegerak nogo yi aret. “It aap wim eeka nen aakumi keele maageren nogwe me, inagap ndake, Ndi, it aap inogogun ambik nen aakumi inagugun wonok nogwe iinok, ndinogo obaane'me pi wage, Eerigin mbake logot o. It aakumi kat tebenogo pagagwi iinok, an nen it tebenogo piige, Ndi, kat kaagalogwe inagap ndake, eeke logogin o.

Yeremiya 51:36

Togop aret me, Aliku ALA nen yegerak nogo yi aret. “An nen napuri Iterali inawone mbanogo piige, It maluk eeppiigwi onggo eeppiige, O Mbaben aniyo laut yenggenak nogo woloonogo pege, Aniyo eneeri nogo poronogo pit nage, Eeke neyaagun o.

Leendawi 3:58

Nogoba wae. An nawone mondok koonogo panege, Neenik logokit nduk, nagap ndarogo panege, Eereegindak o.

Mika 7:9

Nit Ala abet aret maluk eeppogoorak me, Aliku ALA ninawone mbangge, “Eekaarak onggo ndogop eeppiyoorak o,” yinuk, a'me nggelok eerogo pinanege, Eeka'lek kagak, At anini eeppinanege nogo, “Op aret o,” yinuk, waganggo logogun o. Nit o apit me nen wo'niren o eya paga pinani wage, A'me nggelok eeppinanege, Eeke kaagun o.

Nappiigak 23:9

Ogooppunuk, inoone yimbu-lambu yogo nogogwaarik, it Pariti mendek liiru mbanak unde ando nogo nen, mi'na'nuk yorogo logonet, “At yi, maluk ambiriluk ambi eerulik aret kogo o. Aakumi inogoma ambi nen yogerak paga ari agaarik ilik, malayikat ambi nen yogerak paga ari agaarik a?” yinuk, awone nggwok wareegwaarak.

Nappiigak 5:39

Ndi, Ala mbake menggerak eeko menggaarak kenok perak, it inoone taganiyak meek me, Ala nen, An ninom ogoorak logonet eekwi, kinombake kero, teppiyaanip o, yinuk, yokkiragi o,” yoragagerak.

Yotuwa 10:42

At Aliku Iterali inogoba Ala nogo nen inom a'nuk wim eereegwaarak me, at Yotuwa awuri inom ne ambit wundeegwaarak paga aret aap inendagembogut yi abok aret inoorogo piinet nogo nogogwaarik, inanggween tebenggologogwaarak.

1 Tamuwen 24:15

At Aliku ALA nen ninowak loongge, nawone mbanogo punuk onggo ndak-ndak eeppinanege, naana'le mbangge logonet, kat keenggime nen ndinogo nagap ndake, eeke logowak o,” yinuk, yoreegerak.