Ndawi 34:9 - Ala Wone Peenok Peebi Mbanak

⁹ It aakumi Ala inagabiti mbako menggaarak nogo Inamendek ambi lek ti lek, abok aret wonage me, Kit at apuri ake leenak monggotak yi, At Aliku ALA kinagabiti mbako logonip o.

Ndawi 34:9 ပူးပေါင်းရင်းမြစ်များ

Wakkagagerak 22:12

Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Ndawi 2:12

At Aput anini mbet-mbet mi'nage menggerak me, Kit eerit nogwe kiigak, Anini nen lek eerogo pinagukwak, At iyok paga pirik-perek yi wogo logonip o. Yi aap ndi aap at abu'me wonogwe nogo, Inale'nggen aret mbako menggaarak o.

Ndawi 22:23

At aap tebenogo pegaarak yagan wake nogo At Aliku ALA nen pekkoorak eebi ombake, “Ogole o,” yinuk, mbo pege, etenggen nobakkolage, Eekeelik, Oone nggwok paga, “Yeenggwa niru o,” Yoge kenok, aruk konengge menggerak me, Aliku ALA kinagabiti mbakwi yi, at tiyappugwi, Kit Yakup paga wiganak yi, at alut eekwi, Kit Iterali paga wiganak yi, at ayuk wukwi, Eeko logonip o.

Ndawi 23:1

Ndomba ndegeninako mengga kwak, An ndegennaka Kaliku ALA aret o. An namendek lek ambi lek, wonage mban aret o.

Ndawi 31:23

Togop me, Ala apuri ake leenak monggotak yi wae. At Aliku ALA kiniki kunik eeko logonip o. It aap at oone li'luk eeka nogo At Aliku ALA enegen wogonake menggerak kwe, It iniki wogoppatit nugwi iinok perak, Eekaatak abu ndak-ndak onggo eeppiige menggerak o.

Ndawi 89:7

It kapuri alik leenak kuwak aago nen kat kayuk ambik wukwi, Kenaagan-ambokan wonogwe nogo nen iya kombakwi kwe, Kat keenok, “Mondok iya,” yinuk, Inagabiti lombok kombakwi, Eeko menggaarak o.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

Pilipi 4:19

Nit eeriyak ambi mendek lek age kenok, Keritut Yetut eereegerak paga at Ala nen oona ngginik kagak wo'nirage logogin o.