Ndawi 34:2 - Ala Wone Peenok Peebi Mbanak

² At Aliku ALA eeppanege paga An niniki ale'nggen mbake, Eeke minggirak o. Kit aakumi tebenak wonogwe nogo, Kinaruk konembunuk kinale'nggen mbakwi,

Ndawi 34:2 ပူးပေါင်းရင်းမြစ်များ

Ayup 1:21

Alut eeke logonet, “Nagalo inikime nen we nagap mbelanak nda'nagagirak me, Kambunuk, we nagap mbelanak aret nagin o. Kaliku ALA nen wo'nege, Kaliku ALA nen mban wogonake, Eekendak me, Kaliku ALA kendage mban tiyappege logokit o,” yinuk, yoreegerak.

Ndawi 105:3

At endage abu abe alik leenak me wogoppugwi, Kit Aliku ALA mugurok nogwe ti, kinale'nggen mbakwi, Eeko logonip o.

Ndawi 119:74

Koone yugu nogo mban niniki lunik minggirak me, It aap kayuk wuka nen an eerit nage nogo Neego logomenggaarik, inale'nggen aret nombarugun o.

Ndawi 142:7

An nen kat kendage tiyappege logokit nduk, Keele maarak negen wonageme wondet eerogo wumbanege, Eeke logot o. Kat nen togop aret an obeelom eeppanege keenok, It iniki abe koonak nogo an nowagam wogo logogun aret o.

Ndawi 44:8

Kat Ala eeke paga Kubondendok nen nok oonikiya ari nage kagak, Nit wogoppagagwi, kendage mondok-mondok alut eekwi, Eeko logogun o.

Yetaya 45:25

It Iterali paga wiganak nogo perak, abok aret Aliku ALA nen, “Aakumi yi iniki abe koonak aret o,” yinuk, eeppiige paga at endage tiyappogo logogun o.

Yeremiya 9:24

Ata, aap ambi nen wone tiyappuurak mbake kenok, wone eebe tiyappuurak nogo yi aret. O nggween paga yime aakumi inabuwa mbakwi, Eekaatak a'me nggelok eeppiigwi, obeelom mban eeppiinet nugwi, Eekwi paga ninikilom mbake minggirak Naliku ALA neebe at eenu wonage, Ndi, an eeke minggirak liippanege, Eeke logorak ti aret o,” yinuk, Aliku ALA nen aret yegerak o.

1 Korindut 1:31

Togop me, “Aap ambi nen wone tiyappuurak mbake kenok, ninowe eeppinanege menggerak wone nogo mban tiyappogo logowok o,” yinuk, yereegerak liiru mbanak ndak-ndak at mban wogoppogo logonip o.

2 Korindut 10:17

“Kit ambi nen wogoppatiyak mbakwi kenok, Ala nen eeppinagage kagak, eeko monggotak me, at mban wogoppogo logonip o.”