Ndawi 34:14 - Ala Wone Peenok Peebi Mbanak

¹⁴ Ndi, maluk mendek mbo punuk, Obeelom mendek kenok mban eerit nugwi, “Nonggop agago niniki ambit lambunik logorak,” koonggwi, Abu koombunuk ti aret kinomaawirogon mugurok nogwe, Eeko logonip o.

Ndawi 34:14 ပူးပေါင်းရင်းမြစ်များ

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ndawi 120:7

An aap lambunogo piiga aret me, “Ninom lambunuwok o,” yorage neegak kwe, It nen, “Ninom wim eeriyak,” mban mbako menggaarak o.

Ndawi 37:27

Kit maluk eekwi nogo mbo punuk, Obeelom mban eeko logonip o. Ti eekwi kiinok, O yime mondok-mondok aret logomunggup o.

Ndawi 39:2

Noone yaga'lek puk wonage, Wone obeelom kunduk ambi yaga'lek wonage, Eeke logonet, Niniki andi nogo, abunuk nggwok lombok ee'nabit unggwage,

Kini Wuppiige 13:14

Aap iniki warak wone mamunik mugurok nogwe ti, ineenik logorak alom aret me, Kanggwi keele pugume kagak nomoninuk inili eekko'nok mbaganggo menggaarak.

Kini Wuppiige 3:7

“An wone abok neenu aret o,” mbake ti mage o. Ata, Aliku ALA kagabiti mbake, maluk kenok ogole nen mbagangge, Eeke logot o.

Kini Wuppiige 4:24

Koone pilit-pilit yuurak eekkake kenok mbo pege, Kambe paga wone maluk mendek wumbuurak eekkake kenok tebenogo wuppege, Eeke logomenggendik,

Kini Wuppiige 8:13

Aliku ALA inagabiti mbakwi ti, “Maluk nineebi o,” mbakwi ti aret. Iniki wogoppakwi, Nit iya, mbakwi, Ineraambe maluk lombok eerit nogwe, Inambokan laganuwak nduk agan nugwi, Eekwi ti, An neebi lombok mbake minggirak o.

Matiyut 5:9

It aakumi inom ogoorak me, lambumbiigo menggaarak nogo ti, At Ala nen, Kit an napuri aret o, yoraagin me, Iniki ale'nggen aret mbako logowak o.

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Oroma 12:18

Wone ambi agaarak kat kobaalombok koonogo piyoorak wonage kenok, kinoreewi kinom kiniki ambit lambunik logonet, eerit nogo logorak wakkagak eeko logonip o.

Oroma 12:9

Kiniki laakot logonet, kiniki kunik aganako logogup o. Ata, inabuwa nen kiniki kunik aganako logonip o. Yi maluk ndi maluk eekwi ti, kineebi mbako logonet, obeelom eeriyak kenok mban kinikilom mbako logonip o.

Oroma 14:19

Ti kenok, aakumi iniki ambit lambunik logowak nduk, eerogo piinet nugwi, ndi, aakumi iniki eyak wat-wat yogo logowak nduk, koonogo piinet nugwi, eeriyak wone ti mendek kenok mban liirogon eerit nogo logowok o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

Nggalatiya 6:10

It yi aakumi ndi aakumi abok aret obeelom eeppiyoorak, “Nanonggwan aga o,” yinuk, obeelom eeppiinet nogo logonet kwe, it ninom ndak-ndak abet mbakwi kenok perak, logorogon obeelom eeppiyoorak mondok aberak aret logonip o.

1 Tetalonika 4:11

It aakumi abet mbaka'lek mendek nen kit liirogon eerit nugwi kiinok, kinayuk wuko logowak nduk, at ambi eerit nage paga kiniki panggombegak eerit nagup o. Ata, kit kinendage op logobagip nduk, kiname liirogon logonet, kit kinobaalombok mban eerit nugwi, ndi, kineenggi omaawi logobagip nduk, nit aa'nduk kinaruk wareegurak nogo liirogon aret eekwi, eeko logobagip nduk, wone lengganogo yokkirogo o.

2 Timotiyut 2:19

o wurik ili agago liiru mbanogo pogo mengga kwak, Ala eeriyak kooneegerak nogo, “Mondok logogin,” mbaruwak nduk, ari logonet, “An napuri kenok ti, neenu aret minggirak o.” Ndi, ambi, “Yi aap ndi aap abok aret, An Ala aput aret o, yogwe iinok, It maluk eekwi nogo mbo pogo logowak o,” yinuk, yereegerak me, it aap ti togop aret eeko menggaarak kwe, Ala nen, “Eeriyak,” kooneegerak ti, o eyak wurabak nu'lek menggi kwak, mondok nu'lek aret logogin o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Iberani 13:16

Ndi, ti eeko logonet, Ala ake warogo wogogo nogogwa kwak, at ake aakumi obeelom eeppiigwi, yeenggwaarogwe, eekwi niinok, Ala inikilom ninombake menggerak me, mari eerogo puurak ti mage o. Ata, eeppiinet nogo logonip o.

3 Yaya 1:11

Noreeluk niniki kunik yi wae! It maluk eeko menggaarak nogo kat ndak-ndak eeke logogun o. Ata, it aap obeelom eeko menggaarak nogo ndak-ndak mban eerit nage logot o. Aap ambi obeelom eeke menggerak kenok ti, Ala nen ndareegerak aret mbariyak kwe, at maluk mban eeke menggerak nogo nen perak, Ala mondok liippega'lek aret menggerak o.