Ndawi 34:12 - Ala Wone Peenok Peebi Mbanak

¹² Kit kineenik logorak kinikilom mbakwi, “Nit obeelom aret wonogwe me, Li a'nuk kambuurak op aret,” mbakwi, Eekwi ti, Taamini nen togop mbako ogotik?

Ndawi 34:12 ပူးပေါင်းရင်းမြစ်များ

Wakkagagerak 49:2

“Kinogoba an Yakup napuri yi wae! Kinogoba an Iterali noone ari konenubagip nduk, Kuwak eeppunuk, kinaruk logonip o.

Ayup 33:33

Ndi, lek kenok perak, An ari neegak karuk konengge, koone puk wonage, Eeke keegak, niniki warak nen wone mamunggege logokit o,” yinuk, yoreegerak.

Ayup 7:7

Nogoba Ala wae. An neenik wonage yi, We inambe aagi ne ambit wungge kwak aret wonage abeke logot o. Niniki ale'nggen ambinom kaagin lek aret kagi o.

Ndawi 21:4

“Neenik logorak eeppanu o,” Yinuk, yokkege kenok eeppege, “Neenik nggorek mondok-mondok logokit nduk, Eeppanu o,” yinuk, nggino yokkege kenok eeppege, Eekendak o.

Ndawi 4:6

Aakumi ambik nen yogo logonet, “Abe eeriyak mendek ta nen kin paga yo'nirage logogin o,” Yogwe kwe, Kaliku nogoba ALA wae. Kat kabinak nogo nit paga eya eeppinanege logot o.

Ndawi 91:16

Iniki ndonggo yuwak nduk, At ndarak kagak eenik nggorek logorak eeppege, Kagap ndaka nogo ti, an aret, eenu eeppege, Eeke logogin o,” Yinuk, yereegerak.

Kini Wuppiige 4:20

Naput yi wae. An noone yokkege yi, liippege, Noone wundi wage yi, karuk liirogon konengge, Eeke logot o.

Kini Wuppiige 7:24

Togop me, napuri yi wae. Noone ari yi, kinaruk konenggwi, An wone yokkirage yi, liippugwi, Eeko logonip o.

Kini Wuppiige 9:10

It aap iniki warak mamunggolaawok nduk eekwi ti, Aliku ALA inagabiti mbakwi ti aret. Ndi, at kikak nakeelik alik leenak liippugwi ti, kineenu ariyak alom ti aret.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Wone Alom Kibingga 2:3

Nogo kage nagagirik, niniki mbake logonet, “Aakumi inapuri mbogut abu'me ineenik luulu wonogwe yi nen nonggop eekkologwe paga irip paga op eekkoloorak mbakwi iyaamun,” yinuk, neenu arikit nduk, niniki warak nen liirogon koonogo yo'nege kagak, nale'nggen kaakit nduk, wi negen nen eeko mengga kwak anggur amburu noorak wakkagagirak o.

Wone Alom Kibingga 3:13

aakumi inalitik-inalitak mbi nunggwi, niyo nunggwi, ndi, yabu ligak wuundamo eeppunuk, inale'nggen paga wonogwe, eekwi ti, at Ala nen mban eeppiige kage, eeke minggirak o.

Pelaareegerak 30:20

Miikkologo logomonggotik, at Aliku kinogoba Ala kiniki kunik eekwi, oone ari nogo kinaruk konenggwi, at paga mban kiniki panggonak wonogwe, eerumonggotak paga at Aliku ALA nen kit kinombomini Abarakam, Itak, Yakup, inom wone abuk nggaruk togon kumbuk mbanogo, Kinanggween wokkiraagin o, yinuk, yoragagim nogome wonogo logonet, kineenik mondok li a'nuk kanggo logomunggup o,” yinuk, yoragagerak.

1 Tamuwen 12:23

Ndi, an nen perak, kit kinake Aliku ALA yoge lek neenok ti, Aliku ALA maluk eeppuurak aret me, kinake tamban eeke, ndi, obeelom eekkoloorak wone inom, tu koonak paga nogo logorak wone inom, mamungginake, eeke logogin aret kwe,